کمٹہ میں بجلی کے کھمبے پر گرگیا درخت؛ بجلی کی تاروں کی زد میں آگئے دو بائک سوار
کمٹہ 19 جنوری (ایس او نیوز) بدھ شب کو اچانک ایک آم کا درخت بجلی کے کھمبے پر گرنے کے نتیجے میں بجلی کا کھمبا الیکٹرک تاروں کے ساتھ گرگیا جس کے دوران راستے سے گذرنے والے دو موٹر بائک بجلی کی تاروں کی زد میں آگئے۔ واردات تعلقہ کے بگّونا پوسٹ آفس کے قریب پیش آئی۔
بتایا گیا ہے کہ جیسے ہی درخت بجلی کے کھمبے پر گرا، بجلی کا کھمبا بھی گرگیا، اس دوران راستے پر ایک موٹر بائک اور ایک اسکوٹر پر دو لوگ گذررہے تھے۔ بجلی کے تار سیدھے اُن کے اوپر آگری جس کے نتیجے میں یہ دونوں بھی گرگئے اور زخمی ہوگئے۔ یہ تو اچھا ہوا کہ کوئی جانی نقصان نہیں ہوا۔
واردات کے فوری بعد حادثے کی تصاویر سوشیل میڈیا پر وائرل ہوگئیں۔