کیئو،24؍فروری (ایس او نیوز؍ایجنسی) روس کے ذریعہ جمعرات کو یوکرین کے خلاف ایک فوجی حملہ شروع کرتے ہی ٹوئٹر نے کئی محققین کے اکاؤنٹس کو بلاک کر دیا۔ اس سلسلے میں ٹوئٹر نے اعتراف کیا ہے کہ ’غلطی سے‘ روسی فوجی سرگرمیوں کے بارے میں تفصیل شیئر کرنے والے کئی اکاؤنٹس کو ہٹا دیا گیا ہے۔ دراصل روس-یوکرین تنازعہ کی جانکاری شیئر کرنے والے کئی محققین نے بدھ کی دیر شب سے اپنے ٹوئٹر اکاؤنٹس کو حیرت انگیز طریقے سے معطل پایا۔ بعد میں ٹوئٹر کے سائٹ انٹگریٹی کے چیف یوئل روتھ نے ایک ٹوئٹ میں بتایا کہ کمپنی کی انسانی ماڈریشن ٹیم نے غلطی کی ہے۔

انھوں نے پوسٹ کیا کہ ’’ہمارے کام کے حصے کی شکل میں ہیرپھیر کرنے والی میڈیا کو سرگرم طور سے مخاطب کرنے کے لیے انسانی خامیوں کی ایک چھوٹی تعداد کے نتیجہ کار کے سبب یہ غلطی ہوئی۔ ہم اس ایشو کو ٹھیک کر رہے ہیں اور براہ راست متاثرہ لوگوں تک پہنچ رہے ہیں۔‘‘ روتھ نے ساتھ ہی کہا کہ ’’ہم رپورٹ کی مقدار کی بنیاد پر آٹومیٹک انفورسمنٹ کو ٹریگر نہیں کرتے ہیں۔‘‘

اس سے قبل اوپن سورس انٹلیجنس (او ایس آئی این ٹی) کے تجزیہ کار، اولیور الیکزنڈر نے کہا کہ ’’میں 24 گھنٹوں میں دو بار بلاک ہونے کے بعد پھر سے واپس آ گیا ہوں۔ پہلی بار ناکام توڑ پھوڑ/گیس حملے کو خارج کرنے والی پوسٹ کے لیے، اور دوسری بار روس میں یوکرینی حملے کو خارج کرنے والی ایک پوسٹ کے لیے بلاک کیا گیا تھا۔ گلین کے ٹوئٹ اور ایک دیگر او ایس آئی این ٹی ادارہ کے ذریعہ شیئر کیے گئے ایک پوسٹ کے مطابق او ایس آئی این ٹی کے محققین کائل گلین کو بھی 12 گھنٹے کے لیے ان کے اکاؤنٹ سے باہر کر دیا گیا تھا۔

’دی ورج‘ کی ایک رپورٹ کے مطابق سیکورٹی تجزیہ کار اولیور الیکزنڈر نے بھی 24 گھنٹوں میں دو بار اپنے اکاؤنٹ سے باہر ہونے کا دعویٰ کیا ہے۔ پہلے کے ایک بیان میں ایک ٹوئٹر ترجمان نے کہا کہ ان اکاؤنٹس کے خلاف غلطی سے کارروائی کی گئی تھی اور یہ ایک کوآرڈنیشن مہم کا حصہ نہیں تھا۔ روتھ کا کہنا ہے کہ ’’ہم باریکی سے جانچ کر رہے ہیں، لیکن بڑے پیمانے پر رپورٹنگ یہاں ایک وجہ نہیں ہے۔‘‘