ٹیوٹر اکاونٹ بلاک ہونے پر ہیگڈے بوکھلا گئے؛ ٹیوٹر کے خلاف بیان دیتے ہوئے کہا؛ ٹیوٹرسعودی شیخوں کی تال پر ناچتاہے
کاروار : 28؍اپریل(ایس اؤ نیوز) اپنا ٹیوٹر اکاؤنٹ بلاک کئے جانے پر آگ بگولہ شمالی کینرا کے رکن پارلیمان اننت کمار ہیگڈے نے ٹیوٹر کو ہی ملک غدار قرار دیتے ہوئے تبلیغی جماعت کے خلاف اب پھر زہر اگلا ہے۔
ٹوئٹر اکاونٹ بلاک ہونے کے بعد فیس بُک پر اپنی بھراس نکالتے ہوئے انہوں نے اپنے ٹیوٹر اکاؤنٹ کو بلاک کئے جانے پر الزام لگاتے ہوئے کہاکہ تبلیغی والوں کی حقیقت واضح کئے جانے کی وجہ سے ان کا اکاؤنٹ بلاک کیاگیا ہے اور سعودی شیخوں کی تال پر ٹیوٹر کے سی ای اؤ ناچ رہے ہیں۔
اننت کمار ہیگڈے نے دعویٰ کیا ہے کہ وبائی مرض کورونا کے متعلق بھارت میں پاگل تبلیغی جماعت والوں کی طرف سے کوروناوائرس کے پھیلاؤ کی منصوبہ بندسازش کا ثبوتوں کے ساتھ راز فاش کرتے ہوئے اپنے مصدقہ اکاؤنٹ پر انہوں نے مضامین پوسٹ کئے تھے۔ ہیگڈے کے مطابق ان مضامین کی ملک بھر میں ستائش کی گئی اور لاکھوں لوگوں نے اس کا مطالعہ کرتے ہوئے اسے شئیر بھی کیا۔ لیکن اتنی سی بات پر کمپنی والوں نے ان کا ٹیوٹر اکاؤنٹ بلاک کردیا ۔ ایسا لگتا ہے کہ اکاونٹ بلاک ہونے پر ہیگڈے بوکھلاہٹ کا شکار ہوگئے ہیں اور اپنی طرف سے صفائی دینے کی کوشش کررہے ہیں کہ انہوں نے جو کچھ ٹویٹ کیا تھا وہ غلط نہیں تھا۔
