بنگلورو، 8؍ مارچ (ایس او نیوز)  کرناٹک کے سابق وزیر  رمیش جارکی ہولی کی رنگ رلیوں کے تعلق سے وائرل سی ڈی معاملہ کو اب نیا موڑ دے دیا گیا ہے۔  سو شیل اکٹی  ویسٹ  اور شہری حقوق تحریک کمیٹی کے صدر دنیش کلہکی  نے رمیش  جار کی ہولی کے خلاف داخل کردہ  شکایت واپس لینے کا فیصلہ کرلیا ہے اور اس سلسلہ میں پولیس تھانہ میں درخواست داخل کرنے پر غور کررہے ہیں۔

 باوثو ں ذرائع سے ملنے والی اطلاعات کے مطابق دنیش کلہلی  اپنے وکیل کے ذریعہ  پولیس تھانہ کو درخواست روانہ کر نے والے  ہیں۔  کلہلی نے پولیس میں یہ شکایت درج کروائی تھی کہ کے پی ٹی سی ایل میں ایک خاتون کو ملازمت دلوانے  کے  بہانے وزیر رومیش جارکی  نے اس خاتون سے نازیبا حرکت کی تھی اور یہ خبر پورے ملک میں پھیل کر ریاستی وزیر کو اس معاملہ میں بدنام ہونا پڑا تھا اور رمیش جارکی  ہولی نے وزرات سے استعفی دے دیا تھا۔ 

 کلہلی نے 2 ؍مارچ کو کبن  پارک تھانہ میں جارکی ہولی کے خلاف کیس درج کیا تھا اور جمعہ کے دن پولیس کے آگے بیان بھی دیا تھا۔ اس دوران سماجی  کارکنوں نے بی جے پی کے مزید چند وزراء کے بھی ایسے فحش ویڈیو وائرل کر  نے والے ہیں۔ اس دھمکی کے بعد اچانک ہی بی جے پی کے 6 ؍وزراء نے عدالت میں عرضی داخل کر کے یہ درخواست کی تھی کہ میڈیا میں ان 6 ؍وزراء کے خلاف میڈیا  کو   کوئی نازیبا  خبریں شائع کرنے پر پابندی عائد کی جائے ورنہ میڈیا والوں کے خلاف ہتک عزت کے مقدمہ دائر کئے جائینگے جس پر ریاست بھر میں واویلا مچا تھا۔