ضلع شمالی کینرا میں آج بھی 24ہزار خاندان گھروں سے محروم ! کیا آشریہ اسکیم کے ذریعے صرف دعوے کئے جاتے ہیں ؟

Source: S.O. News Service | Published on 15th October 2019, 2:26 PM | ساحلی خبریں |

بھٹکل  15/اکتوبر (ایس او نیوز) حکومت کی طرف سے بے گھروں کو مکانات فراہم کرنے کی اسکیمیں برسہابرس سے چل رہی ہیں۔ اس میں سے ایک آشریہ اسکیم بھی ہے۔ سرکار کی طرف سے ہر بار دعوے کیے جاتے ہیں کہ بے گھروں اور غریبو ں کو  چھت فراہم کرنے کے منصوبے پوری طرح کامیاب ہوئے ہیں۔
 
مگر حقیقت یہی ہے کہ آج بھی ریاست کرناٹکا میں لاکھوں خاندان ایسے ہیں جن کے پا س رہنے کے لئے اپنا مکان نہیں ہے۔ اگر ہم ضلع شمالی کینرا کی بات کریں تو اعداد وشمار بتاتے ہیں کہ اس وقت ضلع میں 24341 خاندان ایسے ہیں جن کے پاس اپنا گھر نہیں ہے۔اس میں سب سے کم تعداد کاروار میں ہے جبکہ سب سے زیادہ بغیر مکانات والے خاندان ہوناور تعلقہ میں ہیں۔اس کے علاوہ حالیہ سیلاب کی وجہ سے اپنے مکانات سے محروم ہونے والے خاندانوں کی تعداد 12ہے۔

راجیو گاندھی ہاؤسنگ کارپوریشن لمیٹیڈ کی طرف سے جاری کیے گئے اعداد وشمارکے مطابق ضلع شمالی کینرا میں جن24ہزار سے زائد خاندانوں کے پاس اپنے مکانات موجود نہیں ہیں ان میں عام لوگوں کے علاوہ معذورین، جذام، ایچ آئی وی جیسے امراض سے متاثرہ افراد، دیوداسی خواتین، جنگلات میں رہنے والے، سیلاب زدگان،سیکس ورکرز، فرقہ وارانہ فساد سے متاثرہ افراد، بندھوا مزدور، ترکاری فروش، آنگن واڈی کارکنان، سابق فوجی، خانہ بدوش خاندان شامل ہیں۔

تعلقہ وار اعداد وشمار کے مطابق انکولہ میں 1639، کاروار میں 539، کمٹہ میں 2406، جوئیڈا میں 2266، بھٹکل میں 871، منڈگوڈ میں 3358، یلاپور میں 3882، سداپور میں 1958،سرسی میں 1643، ہلیال میں 1386، ہوناور میں 4393 خاندانوں کے پاس اپنے گھر موجود نہیں ہیں۔

ایک نظر اس پر بھی

بھٹکل:طوفانی بارش کے درمیان بیچ سمندر میں بوٹ کا انجن بند؛ بری طرح پھنسے ماہی گیروں کو بچالیا گیا

بھٹکل میں آج صبح سے رات دیر گئے تک طوفانی ہواوں کے ساتھ بارش کا سلسلہ جاری ہے، ایسے میں آج اتوار صبح ماہی گیروں کی ایک بوٹ جو بحر عرب میں  بری طرح پھنس گئی تھی اور اُس پر سوار چار ماہی گیروں کے جان کے لالے پڑ گئے تھے، شام تک چاروں کو بچالئے جانے کی اطلاع ملی ہے۔

بھٹکل میں دو مختلف سڑک حادثات؛ بائک اور کار کی ٹکر میں دو زخمی، آٹو رکشہ اور لاری کی ٹکر میں ایک زخمی

بھٹکل میں آج اتوار کو ہوئےدو مختلف سڑک حادثات میں تین لوگ زخمی ہوگئے جن میں  ایک سرکاری اسپتال سے ابتدائی طبی امداد کے بعد اُڈپی شفٹ کیا گیا ہے جبگہ   دیگر دو کو   قریبی اسپتال سے  مرہم پٹی کرائی گئی ہے۔

بھٹکل : رویل اسپورٹس ہال میں میونسپالٹی حکام کی عوامی میٹنگ؛ اسسٹنٹ کمشنر کے سامنے پیش کئے گئے علاقہ کے مسائل

عوام کے مسائل کو جاننے اور اُن کو حل کرنے کی ہرممکن کوشش کرنے  بھٹکل کے مختلف علاقوں میں  پہنچ کر میونسپل حکام ہرروز عوامی میٹنگ کا انعقادکررہے ہیں  اسی طرح کی ایک میٹنگ سنیچر کو  علوہ اسٹریٹ میں  واقع رویل اسپورٹس سینٹر کے ہال میں  منعقد کی گئی جس میں اسسٹنٹ کمشنر بھرت نے بھی ...

کاروار: سابق وزیر آنند اسنوٹیکر کے سامان میں پستول۔ بنگلورو ایئر پورٹ پر تفتیش کے بعد جانے کی دی گئی اجازت

بنگلورو سے بذریعہ ہوائی جہاز گوا ہوتے ہوئے کاروار کے لئے نکلے سابق وزیر اور جنتا دل لیڈر آنند اسنوٹیکر کو سنٹرل انڈسٹریل سیکیوریٹی فورس  نے سنیچر کو  بنگلورو ایئر پورٹ پراپنی تحویل میں لیا گیا تھا  کیونکہ ان کے سامان میں پستول  موجود تھا جسے ساتھ لے جانے کی اجازت انہوں نے ...