مصر کے اشتہاری اخوانیوں میں ترک شہریت بانٹی جانے لگی

Source: S.O. News Service | By INS India | Published on 7th November 2019, 6:30 PM | عالمی خبریں |

قاہرہ،7نومبر(آئی این ایس انڈیا)ترک حکام نے مصر کی مذہبی سیاسی جماعت اخوان المسلمون سے تعلق رکھنے والوں کو شہریت دینا شروع کر دی ہے۔ انہیں ترکی کی شہریت کے لیے کہا جا رہا ہے کہ وہ ترکی کے پاسپورٹ پر اپنا نام تبدیل کریں۔مصر کے اندر متعدد مقدمات میں سزا یافتہ یاسر العمدہ نے اپنے فیس بک پیج پر کہا کہ تُرک حکام نے انہیں شہریت دی ہے۔ اخوان المسلمون کے ٹی وی چینلز سے منسلک متعدد دیگر اخوانیوں کو بھی ترکی کی شہریت دی گئی ہے۔العمدہ نے مزید کہا کہ ترک شہریت حاصل کرنے پر تقریبا اڑھائی ہزار ڈالر کی لاگت آتی ہے۔ ترکی کی شہریت کا حصول بہت پیچیدہ اور مشکل مرحلہ ہے۔ اس کے لیے اچھی خاصی فیس ادا کرنی پڑتی مگر مصر کے مفرور اخوان رہنماؤں اور کارکنوں کو ترکی میں آسانی کے ساتھ شہریت مل جاتی ہے۔ ترکی میں اخوان المسلمون کے کئی لیڈروں کو بلا معاوضہ شہریت دی گئی ہے۔ایک مصری سیکیورٹی ذرائع نے بتایا کہ یاسر العمدہ اخوان المسلمون کی انقلابی تحریک ’غلابہ‘ کے بانی ہیں۔ مصر میں ان کے خلاف دہشت گردی سمیت کئی دوسرے مقدمات قائم ہیں مگر وہ بچ کر ترکی فرار ہو گئے تھے۔ ان پر ریاستی اداروں کے خلاف تشدد بھڑکانے اور حکومت کے خلاف پرتشدد مظاہروں کے لیے اشتعال انگیز ویڈیوز شیئر کرتے رہتے ہیں۔اسی تناظر میں مصری وکیل ڈاکٹر سمیر صبری نے انتظامی جوڈیشل عدالت کے رو برو ترک شہریت رکھنے والے اخوان المسلمون کے ان عناصر کی مصری شہریت منسوخ کرنے کے لیے ایک مقدمہ دائر کیا۔
سمیر صبری نے دیئے گئے بیان میں کہا کہ انہوں نے مفرور اخوانیوں کی مصری شہریت کی منسوخی کے لیے درخواست دی ہے۔ اس درخواست پر سماعت 17 نومبر سے شروع ہوگی۔ ان کا کہنا تھا کہ ترکی شہریت حاصل کرنے والوں میں اخوان حکومت کے صحافی اور ارکان پارلیمنٹ بھی شامل ہیں۔ ان کا کہنا ہے کہ ترک حکام نے شہریت حاصل کرنے والے اخوانی لیڈروں سے کہا ہے کہ وہ ترکی کے شناختی کارڈ اور پاسپورٹ پر اپنا نام تبدیل کریں۔صبری نے بتایا کہ ترک کی شہریت حاصل کرنے والوں میں اخوان کے سینئر صحافی معتز مطر، حمزہ زوبع، محمد ناصر، ایمن نور، حسام شوریجی مدحت الحداد، محمد عبد العظیم بشلاوی، ایمن احمد عبدالغنی، خیرات الشاطر کے بہنوئی اور اخوان کے نائب رہنما یحیی حمید شامل ہیں۔ سابق صدر محمد مرسی کے سابق مشیر سیف الدین عبد الفتاح اسماعیل حسنین نے بھی اس گروپ میں شامل ہیں۔ ان کا کہنا تھا کہ ترکی میں اخوان المسلمون کے حامیوں کو شہریت دینا بین الاقوامی ہوائی اڈوں پر ان کی گرفتاری روکنا ہے۔سمیر صبری نے انکشاف کیا کہ اخوان المسلمون کے 150 سے زیادہ رہنماؤں اور ان کے بیٹوں کی ترک شہریت کے لیے درخواست دی ہے۔ انہوں نے عدالت میں جمع کرائی گئی درخواست میں کہا گیا ہے کہ عدالت آرٹیکل 16 کے تحت دوسرے ملک کی شہریت سے مستفید ہونے والے اخوانی ارکان کی مصری شہریت منسوخ کی جائے۔

ایک نظر اس پر بھی

کلبھوشن کیس میں تمام فیصلے پاکستانی قوانین کے مطابق ہوں گے:پاکستانی دفتر خارجہ

پاکستانی دفتر خارجہ کا کہنا ہے کہ کلبھوشن کے معاملے پر کوئی ڈیل نہیں کی جارہی، عالمی عدالت انصاف کے فیصلے کا پاکستانی قوانین کی روشنی میں احترام ہوگا۔ کلبھوشن کے معاملے پر تمام فیصلے پاکستانی قوانین کے مطابق ہوں گے۔تفصیلات کے مطابق ترجمان دفتر خارجہ ڈاکٹر محمد فیصل نے ہفتہ ...

امریکی آلات کے بغیر ’ہواوے‘ اپنی مصنوعات کی فراہمی یقینی بنا سکتا ہے: لی آنگ ہوا

دنیا کی بڑی ٹیلی کمیونیکشن کمپنیوں میں شامل چینی’ہواوے‘ نے دعوی کیا ہے کہ وہ امریکی مصنوعات پر انحصار کے بغیر اپنی مصنوعات کی فراہمی کو یقینی بنانے کی اہلیت رکھتی ہے۔اس امر کا اظہار ’ہواوے‘ کے چیئرمین لی آنگ ہوا نے خصوصی انٹرویو میں بتایا۔

غزہ پر اسرائیلی حملے دہشت گردی ہیں: الازہر فاؤنڈیشن

مصر میں عالم اسلام کے معروف ادارے الازہر فاؤنڈیشن نے غزہ پٹی پر اسرائیلی حملوں کو’دہشت گردی‘ قرار دیا ہے۔الازہر نے اسرائیل کے حملوں اور ان میں فلسطینی عوام کو نشانہ بنا کر موت کی نیند سلا دینے کی وحشیانہ کارروائیوں کی سخت الفاظ میں مذمت کی۔میڈیا رپورٹوں کے مطابق اسرائیلی ...

دنیا بھر میں دہشت گردی کا 90فیصد شکار مسلمان ہیں: فرانسیسی رپورٹ

فرانس میں کیے جانے والے ایک تحقیقی مطالعے میں اس امر کی تصدیق کی گئی ہے کہ 1979 میں سوویت یونین کی جانب سے افغانستان پر حملے کے بعد سے اگست 2019 تک دنیا بھر میں شدت پسندوں کی ’دہشت گردانہ کارروائیوں‘ کا شکار ہونے والے افراد میں سے 90فیصد مسلمان ہیں۔

امریکا اب بھی سیرین ڈیموکریٹک فورسز کا شراکت دار ہے: مارک ایسپر

امریکی وزیر دفاع مارک ایسپر کا کہنا ہے کہ شام کے شمال مشرق میں ترکی کی سرحد کے نزدیک واقع علاقے کوبانی سے امریکی فوج کا انخلا مکمل ہونے کے لیے مزید ایک ہفتہ یا اس کے قریب عرصہ لگ سکتا ہے،،، جب کہ امریکی فوج شام میں اپنی فورسز کی از سر نو تعیناتی اور ان میں کمی کر رہی ہے۔بدھ کے روز ...

مصر: البحیرہ میں تیل پائپ لائن میں آتش زدگی کے نتیجے میں 6 افراد لقمہ اجل بن گئے

مصر میں حکام کا کہنا ہے کہ البحیرہ گورنری میں ایک تیل پائپ لائن میں لگنے والی آگ کے نتیجے میں کم سے کم 6 افراد جھلس کر ہلاک اور 15 زخمی ہوگئے۔مصری وزارت صحت و آبادی کے سرکاری ترجمان ڈاکٹر خالد مجاہد نے بتایا کہ حادثے کے فوری بعد متاثرہ مقام پر زخمیوں کو اٹھانے کے لیے 20 ایمبولینسوں ...