ترکی: استنبول کے بلدیاتی انتخابات دوبارہ کرانے کا اعلان

Source: S.O. News Service | By Shahid Mukhtesar | Published on 7th May 2019, 4:49 PM | عالمی خبریں |

 انقرہ 7مئی (ایس او نیوز/آئی این ایس انڈیا) ترکی میں انتخابات کے منتظم ادارے نے ملک کے سب سے بڑے شہر استنبول کے میئر کے انتخابات دوبارہ کرانے کا اعلان کیا ہے۔

انتخابات کے نگران ادارے نے یہ فیصلہ صدر رجب طیب ایردوان کی جماعت 'اے کے پارٹی' کے درخواست پر سنایا ہے جس کے میئر کے امیدوار کو حزبِ اختلاف کے امیدوار نے مارچ میں ہونے والے انتخاب میں حیران کن طور پر شکست دے دی تھی۔

ترکی کے 'ہائی الیکشن بورڈ' نے پیر کو اپنے فیصلے میں کہا ہے کہ استنبول کے میئر کا نیا انتخاب 23 جون کو ہوگا۔

بورڈ میں شامل 'اے کے پارٹی' کے نمائندے رجب اوزیل نے صحافیوں کو بتایا ہے کہ بورڈ نے 31 مارچ کا انتخاب کالعدم قرار دینے کا فیصلہ انتخابی نتائج کی بعض دستاویزات پر عملے کے دستخط نہ ہونے اور سرکاری ملازمین کے علاوہ افراد کو انتخابی عملے میں شامل کرنے کی شکایات کی بنیاد پر کیا ہے۔

حزبِ اختلاف کی مرکزی جماعت 'ری پبلکن پیپلز پارٹی' (سی ایچ پی) نے فیصلے کو "ڈکیٹر شپ" قرار دیتے ہوئے الزام لگایا ہے کہ الیکشن بورڈ نے یہ فیصلہ حکمران جماعت کے دباؤ پر کیا ہے۔

الیکشن بورڈ کے فیصلے کے خلاف استنبول میں کئی مقامات پر احتجاج بھی ہوا ہے۔

کالعدم انتخاب میں 'سی ایچ پی' کے امیدوار معمولی اکثریت سے کامیاب ہوئے تھے جس کے خلاف 'اے کے پارٹی' نے انتخابی بورڈ سے رجوع کیا تھا۔ اے کے پارٹی کی درخواست پر استنبول کے کئی حلقوں میں ووٹوں کی دوبارہ گنتی بھی کی گئی تھی لیکن ان میں بھی حزبِ اختلاف کے امیدوار کی برتری برقرار رہی تھی۔

استنبول کے میئر کے انتخاب میں شکست کو 'اے کے پارٹی' کے لیے ایک بڑا دھچکا قرار دیا جارہا تھا اور اس خبر کو بین الاقوامی ذرائع ابلاغ نے بھی خاصی کوریج دی تھی۔

استنبول روایتی طور پر صدر ایردوان اور 'اے کے پارٹی' کا مضبوط گڑھ رہا ہے اور گزشتہ 25 سال میں شہر میں ہونے والے کسی بھی انتخاب میں حکمران جماعت کی یہ پہلی شکست تھی۔

صدر ایردوان نے خود بھی اپنے سیاسی کیریئر کا آغاز استنبول سے ہی کیا تھا اور وہ 90ء کی دہائی میں شہر کے میئر رہے تھے۔

حکمران جماعت کے امیدوار استنبول کے علاوہ دارالحکومت انقرہ کے میئر کا انتخاب بھی ہار گئے تھے۔ دونوں بڑے شہروں کے انتخاب میں حکمران جماعت کے امیدواروں کی شکست کو کئی حلقے خود صدر کی مقبولیت کے زوال کا آغاز بھی قرار دے رہے تھے کیوں کہ صدر ایردوان نے بلدیاتی انتخابات کے لیے حکمران جماعت کے امیدواروں کی انتخابی مہم کی خود قیادت کی تھی۔

بعض بین الاقوامی اداروں اور انتخابی عمل کی نگرانی کرنے والے مبصرین نے استنبول کا انتخاب کالعدم قرار دینے کے فیصلے پر تحفظات کا اظہار کیا ہے۔

ایک نظر اس پر بھی

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...

صومالیہ میں ہوٹل پر دہشت گردانہ حملہ، 6 ہلاک 50 زخمی

صومالیہ کے جنوبی بندرگاہ كسمايو میں ایک ہوٹل پر ہونے والے دہشت گردانہ حملہ میں کم از کم چھ افراد کی موت اور تقریبا 50 دیگر زخمی ہو گئے۔ یہ حملہ جمعہ کو کیا گیا۔ مقامی حکام کے حوالہ سے میڈیا نے یہ اطلاع دی ہے۔