کاروار:سرنگ کھسکنے سےایک مہینے سے زیادہ بند پڑی کونکن ریلوے ٹریک دوبارہ کھل گئی
کاروار،17؍ستمبر (ایس او نیوز)کونکن ریلوے افسران کی جانب سے جاری کیے گئے بیان کے مطابق گوا کے پیرنیم علاقے میں سرنگ کھسکنے کی وجہ سے بند پڑی ہوئی کونکن ریلوے ٹریک کو مرمت کے بعد دوبارہ کھول دیا گیا ہے اور اس لائن پر ریلوے کی آمد و رفت پھر سے شروع ہوگئی ہے۔
یاد رہے کہ 6اگست کونکن ریلوے کے کاروار زون میں آنے والی اس سرنگ میں مٹی کھسک گئی تھی۔ اور اس لائن پر دوڑنے والی 6اہم ٹرینوں کا روٹ بدل دیا گیا تھا۔اس کے علاوہ کچھ ٹرینوں کو مکمل طور پر بند کردیا گیا تھا۔تقریباً ایک مہینے سے زیاد ہ عرصے تک اس لائن کو بندرکھتے ہوئے مرمت کا کام انجام دیا گیا اور 15 ستمبر کو پٹری کے درست اور محفوظ ہونے کا سرٹفکیٹ دیا گیا۔ اس کے بعد کاروار ، اڈپی اور منگلورو ہوتے ہوئے ایرناکولم جنکشن جانے والی حضرت نظام الدین اسپیشل ایکسپریس، حضرت نظام الدین ایرناکولم جنکشن ڈورنتو ایکسپریس، نئی دہلی تھیرواننت پورم سینٹرل، لوک مانیہ تلک ٹرمینل تھیرو اننت پورم سینٹرل ٹرینین دوبارہ اس لائن پر دوڑنے لگی ہیں۔