قومی ہیروز کو ’بدنام‘ کرنے کی کوشش کی جا رہی ہے: ٹرمپ

Source: S.O. News Service | Published on 4th July 2020, 7:04 PM | عالمی خبریں |

نیویارک،4/جولائی(آئی این ایس انڈیا) امریکی صدر ڈونلڈ ٹرمپ نے کہا ہے کہ امریکا کی تاریخ کو ختم کرنے اور قومی ہیروز کو بدنام کرنے کی کوشش کی جا رہی ہے۔ ٹرمپ نے ماؤنٹ رشمور میں ایک عوامی اجتماع سے خطاب کرتے ہوئے مزید کہا کہ امریکا میں ملکی اقدار کو مٹانے اور بچوں کو ایک خاص طرز کی سوچ ذہن نشین کروانے کی مہم چلائی جا رہی ہے۔

ماؤنٹ رَشمور نیشنل میموریل کے مقام پر کئی سابق امریکی صدور کے مجسمے نصب ہیں۔ امریکا سمیت دنیا بھر میں نسل پرستی کے خلاف تحریک میں نوآبادیاتی نظام اور غلاموں کی تجارت سے منسلک شخصیات کے مجسمے مسمار کیے جا رہے ہیں۔ صدر ٹرمپ نے امریکا میں اس مہم کو ’انتہائی بائیں بازو کا فاشزم‘ قرار دیا اور یادگاری مجمسوں کو نقصان پہنچانے والے افراد کو کڑی سزا دینے کی دھمکی دی۔

ایک نظر اس پر بھی

امریکا کی طرف سے بلیک لسٹ حوثیوں کے 'یوٹیوب' کے چینل بند

امریکی حکومت کی طرف سے یمن کے ایرانی حمایت یافتہ'حوثی ' باغیوں کو دہشت گرد تنظیم قراردیئے جانے کے بعد عالمی شہرت یافتہ ویڈیو شیئرنگ ویب سائٹ 'یوٹیوب' نے بھی حوثیوں کے 7 چینل بند کردیے۔ گوگل کی ملکیتی یوٹیوب نے حوثیوں کا آفیشل یوٹیون چینل'المسیرہ المباشر' اور 'الاعلام الحربی' کے ...

یورپی وزرا خارجہ کے اجلاس میں ایران کے جوہری پروگرام اور ترکی سے کشیدگی پر بات چیت

یورپی یونین کے رکن ممالک کے وزرا خارجہ کا اجلاس آج سوموار کے روز برسلز میں منعقد ہور ہا ہے۔ اجلاس میں دیگر علاقائی اور عالمی مسائل پرغور کے ساتھ ایران کے جوہری پروگرام اور ترکی کے ساتھ یورپی ملکوں کی کشیدگی پر بات چیت کی جائے گی۔