گزشتہ 70 برسوں میں جمہوری ہندوستان نے شاندار ترقی کی: ڈونالڈ ٹرمپ

Source: S.O. News Service | Published on 24th February 2020, 11:48 PM | ملکی خبریں | عالمی خبریں |

احمدآباد،24/فروری(ایس او نیوز/ایجنسی) امریکی صدر ڈونالڈ ٹرمپ نے آج ہندوستان اور امریکہ کو ایک فطری دوست قرار دیا اور ہندوستان کی غیر معمولی ترقی اور اس کے اقدار کی بھرپور تعریف کی۔ ہندوستان کے دو روزہ دورے پر یہاں پہنچے ٹرمپ نے دنیا کے سب سے بڑے کرکٹ اسٹیڈیم سردار پٹیل اسٹیڈیم میں ایک لاکھ سے زیادہ لوگوں کی موجودگی میں ان کے استقبال میں منعقد ’نمستے ٹرمپ‘ میں مودی اور ہندوستان کی زبردست تعریف بھی کی اور دونوں ممالک کے رشتوں اور مستقبل کے منصوبوں پر بھی بات چیت کی۔

انہوں نے دہشت گردی، دفاعی تعاو ن، خلائی پروگراموں سمیت کئی موضوعات کا ذکر کیا اور کل نئی دہلی میں دونوں ممالک کے درمیان ہونے والے جدید امریکی ہیلی کاپٹر اور دیگر دفاعی آلات کے چار ارب ڈالر سے زیادہ پر بھی بات چیت کی۔ انہوں نے اپنے خطاب میں بالی ووڈ اور کرکٹ کابھی ذکر کیا اور شعلے اور ڈی ڈی ایل جے جیسی فلموں اور سچن تندولکر اور وراٹ کوہلی جیسے عظیم کرکٹروں کا بھی نام لیا۔

اپنے شاندار استقبال سے متاثر امریکی صدر نے اسٹیج پر مودی کی موجودگی میں تقریباً 26 منٹ طویل اپنے خطاب کی ابتدا میں کہا کہ وہ اور ان کی اہلیہ ملینیا 8000 میل کی دوری طے کرتے ہوئے ہر ہندوستانیوں کو یہ پیغام دینے کےلئے آئے ہیں کہ امریکہ ہندوستان کی عزت کرتا ہے اورا سے پیار کرتا ہے اور یہ ہمیشہ ایک قابل اعتماد دوست رہے گا۔

مودی کی پانچ ماہ پہلے ہوئی امریکی دورے کے دوران ہیوسٹن میں منعقد ہاؤڈی مودی پروگرام کو یاد کرتے ہوئے ٹرمپ نے کہاکہ پانچ ماہ پہلے ہم نے مودی کا فٹبال اسٹیڈیم میں خیر مقدم کیا تھا اور آج ہندوستان نے ہمارا استقبال دنیا کے سب سے بڑے کرکٹ اسٹیڈیم میں کیا ہے جو بہت ہی شاندار ہے۔ انہوں نے کہا کہ اس استقبال اور خیر مقدم کو ان کا ملک اور ان کا خاندان ہمیشہ یاد رکھے گا۔ انہوں نے اپنے خصوصی لہجے میں کہا کہ ’’آج سے ہندوستان ہمیشہ ہمارے دلوں میں ایک خصوصی مقام رکھے گا۔‘‘ ٹرمپ نے وزیراعظم مودی کی بہت تعریف کی اور ان کے چائے بیچنے والے سے لے کر وزیراعظم بننے تک کی مثال دیتے ہوئےکہا کہ ان کی زندگی کی کہانی ہندوستانیوں کی لامحدود اہلیتوں کی طرف اشارہ کرتی ہے۔

انہوں نے کہاکہ مودی نے اپنی زندگی کی ابتدا اپنے والد کے بغل میں کھڑے ہوکر چائے بیچنے والے کے طور پر کیا۔ ٹرمپ نے کہا کہ ’’وزیراعظم مودی آپ صرف گجرات کے فخر ہی نہیں ہیں بلکہ آپ اس بات کے زندہ ثبوت ہیں کہ محنتی ہندوستانی جو بھی چاہے اسے حاصل کرسکتا ہے۔ ان کی کہانی دل کو چھونے والی ہے اور ایسی ہی کہانی ہندوستان کی بھی ہے جو بہت ہی اچھا کررہا ہے۔ ہم سبھی کو ہندوستان پر بہت فخر ہے۔ گزشتہ 70 برسوں میں جمہوری ہندوستان نے شاندار ترقی کی ہے۔ ہندوستان پوری انسانیت کے لئے امید کی کرن ہے۔

امریکی صدر نے کہا ہے کہ اس صدی کی ابتدا سے اب تک ہندوستان کی معیشت چھ گنی ہوگئی ہے ۔ یہاں 27 کروڑ لوگ ایک عشرے میں ہی غربت سے باہر نکلے ہیں۔ وزیراعظم مودی کے دور اقتدار میں تاریخ میں پہلی مرتبہ ہندوستان کے سارے گاؤں میں بجلی پہنچ گئی ہے۔32 کروڑ لوگ انٹرنیٹ کا استعمال کرنے لگے ہیں۔ ملک میں شاہراہوں کی بننے کی رفتار دو گنی سے بھی زیادہ ہوگئی ہے۔ 7کروڑ خاندانوں کر رسوئی ایندھن ملا ۔ہندوستان بہت ہی جلدمتوسط طبقوں کی سب سے بڑی آبادی والا ملک بن جائے گا۔

ایک نظر اس پر بھی

پنجاب: چندی گڑھ میں کورونا وائرس کے کیسز بڑھ کر ہوئے 56، چار افراد کی موت

 پنجاب اور مرکز کے زیر انتظام علاقہ چندی گڑھ میں کورونا وائرس کا قہر روز افزوں بڑھتا جا رہا ہے جہاں اس وبا سے متاثرین کی تعداد 56 تک پہنچ گئی ہے جن میں سے 41 پنجاب اور 15 چندی گڑھ کے ہیں۔ وہیں اس وبا سے اب تک اس علاقے میں چار افراد جاں بحق ہو چکے ہیں۔

راہل گاندھی نے امیٹھی کے لئے بھیجی امداد، مزدور بحران پر کپل سبل کا حکومت پر حملہ

کورونا وائرس کے بڑھتے اثر کی وجہ سے ملک میں لاک ڈاؤن جاری ہے۔ 21 دن کے لاک ڈاؤن کے دوران لوگوں سے اپنے گھروں میں ہی رہنے کو کہا گیا ہے، لیکن اس دوران یومیہ مزدوروں کو متعدد پریشانیوں کا سامنا کرنا پڑ رہا ہے۔

سونیا گاندھی نے لکھا پی ایم مودی کو خط ’منریگا کے تحت 21 دن کی اجرت پیشگی ادا کریں‘

 کانگریس کی صدر سونیا گاندھی نے وزیر اعظم نریندر مودی کو خط لکھ کر اپیل کی ہے کہ 21 دن کے لاک ڈاؤن کی وجہ سے دیہی علاقوں میں مزدوروں کے سامنے روزی روٹی کا بحران پیدا ہو گیا ہے، لہذا ان کارکنوں کو منریگا کے تحت ملنے والی 21 دن کی اجرت پیشگی ادا کی جائے۔

نیتن یاھو کے بعد کرونا کے شبے میں اسرائیلی آرمی چیف بھی قرنطینہ منتقل

اسرائیل میں کرونا کی تیزی کے ساتھ پھیلتی وباء نے اسرائیل کی صف اول کی سیاسی اور عسکری قیادت کو بھی اپنی لپیٹ میں لے لیا ہے۔ اسرائیلی وزیراعظم بنجمن نیتن یاھو کی کرونا کے باعث 'آئسولیشن' کے بعد آرمی چیف جنرل آویف کوخاوی بھی قرنطینہ منتقل کردیے گئے ہیں۔

کورونا: ملک میں 32؍اموات،227نئے معاملے، جملہ 1251 ؍مریض، دنیا بھر میں مہلک مرض سے 37ہزار 519جانیں تلف، 781656؍متاثر

ملک میں پچھلے 24گھنٹوں میں کورونا وائرس انفیکشن کے 227 نئے معاملے سامنے آنے کے بعد انفیکشن کے کل مریضوں کی تعداد بڑھ کر 1251ہوگئی اور تین مریضوں کی موت سے اس وائرس کی زد میں آکر مرنے والوں کی تعداد 32ہوگئی ہے -

ملک میں کوروناوائرس سے 29 اموات،1071 متاثر، کورونا پوری دنیا میں 34,512 جانیں تلف،723,962 متاثرین

پوری دنیا کے زیادہ تر (اب تک 185) ممالک میں کرونا وائرس (کووڈ-19) کی وبا تھمنے کا نام نہیں لے رہی ہے اور اس کے متاثرین سے پوری دنیا میں اب تک34,512لوگوں کی موت ہوچکی ہے جبکہ تقریباً723,962لوگ اس سے متاثر ہیں -