کاروارکے بیت کول میں آدھی رات کو ٹرک ڈرائیوروں پر حملہ۔ نقدی اور موبائل لوٹنے کے ساتھ لاریوں کو پہنچایاگیا نقصان۔پولیس اسٹیشن سے قریب ہی پیش آئی واردات

Source: S.O. News Service | Published on 19th October 2019, 1:36 PM | ساحلی خبریں |

کاروار 19/اکتوبر (ایس او نیوز)بیت کول ماہی گیری بندر کے علاقے میں پولیس اسٹیشن سے چار قدم کے فاصلے پر جمعرات کی شب میں شرپسندوں کے ذریعے بیرونی ریاستوں سے تعلق رکھنے والے ٹرک ڈرائیوروں کو لوٹنے اور گاڑیوں کو نقصان پہنچانے کی واردات پیش آئی ہے۔

 موصولہ رپورٹ کے مطابق شرپسندوں نے بندر علاقے میں پارک کی گئی بیرونی ریاستوں کی لاریوں کو آدھی رات کے وقت نشانہ بنایااور وہے سلاخوں، چاقو اور ڈنڈوں سے ڈرائیوروں پر حملہ کیا۔تملناڈو سے تعلق رکھنے والے ایک ڈرائیور رام جیم نے بتایا کہ کچھ شرپسندوں نے گلے پر چاقو رکھ کر جان سے مارنے کی دھمکی دیتے ہوئے نقدی اور موبائل فون چھین لیے۔لاری کو بھی نقصان پہنچایا ہے۔ ہم نے محنت سے جو کمائی کی تھی وہ گاڑی کی مرمت پر خرچ کرنا پڑے گا۔اس وجہ سے آئندہ کاروار کی طرف آنے سے خوف محسوس ہونے لگا ہے۔

  کہاجاتا ہے کہ یہاں پر اسٹوریج کی گئی اشیاء کو دوسری ریاستوں تک لے جانے کے لئے ہر رات عام طور پر200سے زائد ٹینکر بیت کول بندر کے احاطے میں پارک کیے جاتے ہیں۔ ان لاریوں کے لوٹنے والی ایک گینگ اس علاقے میں سرگرم ہے اوراکثر بیرونی ریاستوں کے ڈرائیوروں کو لوٹنے کی وارداتیں انجام دی جاتی ہیں،لیکن متاثرہ ڈرائیوروں کی طرف سے پولیس کو تحریری شکایات نہیں دی جارہی ہیں۔اس سے لٹیروں کو اپنا یہ غیر قانونی کاروبار آگے بڑھانا آسان ہوگیا ہے۔اس کا نتیجہ یہ ہوا کہ ان لٹیروں سے خوف کھاکر ٹینکر ٹرک والے کاروار کی طر ف آنے سے ہچکچاتے ہیں۔اسی لئے اسٹوریج کمپنی والے کاروار کے بجائے منگلورو کا رخ کرنے کو زیادہ ترجیح دیتے ہیں۔ جس کی وجہ سے بیت کول بندر کی آمدنی بڑے پیمانے پر متاثر ہوئی ہے۔

 ڈی وائی ایس پی شنکر ماریہال نے بتایا کہ بیت کول میں کچھ شرپسندوں کی طرف سے لاری ڈرائیوروں کو لوٹنے کی شکایات زبانی طور پر سننے میں آرہی ہیں۔ قانونی حدود پار کرنے والوں کے خلاف سخت کارروائی کی جائے گی۔بندر علاقے میں رات کے وقت گشت کرنے کے لئے مزید پولیس اہلکاروں کو ذمہ داری دی گئی ہے۔پی ایس آئی کو بھی رات کے وقت راؤنڈ اَپ کرنے کی ہدایات جاری کی گئی ہیں۔

ایک نظر اس پر بھی

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔

سرسی میں سپریم کورٹ فیصلے کے بعد شیورام ہیبار کے حمایتیوں کا جشن : 18نومبر کو ہیبار داخل کریں گے پرچہ نامزدگی

اسمبلی رکنیت کے نااہل  معاملہ کے متعلق سپریم کورٹ کا فیصلہ صادر ہوتے ہی شیورام ہیبار کے حمایتی متحرک ہوتےہوئے  یلاپور حلقہ کے ضمنی انتخابات کے لئے پس پردہ تیاریاں  جاری رکھتے ہوئے  علی الاعلان باتیں کرنا شروع کردی ہیں۔

سرسی میں ضلع اور بلاک کانگریس کمیٹیوں کی میٹنگ : کانگریس کارکنان سے متحد ، سرگرم کام کی اپیل

یلاپور ودھان سبھا حلقہ کے ضمنی انتخابات میں کانگریس پارٹی کو اتحاد کا مظاہرہ کرے اور کارکنان پارٹی کے وفادار سپاہی کے طورپر کام کرتے ہوئے فرد سے پارٹی بڑی ہے ثابت کریں۔ منگل کو یہاں منعقدہ کانگریس ضلع اور بلاک کمیٹی کی میٹنگ میں فیصلہ لیاگیا ۔

سرسی میں مرکزکی عوام مخالف پالیسی والی حکومت کو ہدایت جاری کرنے کانگریس نے صدرہند کو سونپا میمورنڈم

مرکزی حکومت عوام مخالف پالیسی پر عمل پیرا ہے، عوام مخالف رویہ کو ترک کرکے معیشت کو کو بہتر بنانے کے لئے ہدایات جاری کرنے کا مطالبہ لےکر کانگریس اترکنڑا ضلع شاخ نے تحصیلدار کی معرفت صدر ہند کو میمورنڈم سونپا۔