کنداپور12/ستمبر (ایس او نیوز) کنداپور سے شیموگہ کی طرف بسکٹ اور بسکٹ نما ٹوسٹ (رَسک) لے جانے والے ٹرک میں کنڈلور پولیس اسٹیشن کے قریب آگ بھڑک گئی جس کی وجہ سے ایک انداز ے کے مطابق3.5لاکھ روپے مالیت کے بسکٹ اور ٹوسٹ جل کر خاک ہوگئے۔ حادثہ جمعرات کی دوپہر کو پیش آیا۔
سڑک پر جارہے ٹرک میں آگ نظر آنے کے بعد اسے روک لیا گیااور پھرکنداپور سے فائر بریگیڈ عملے نے موقع پر پہنچ کر آگ بجھائی۔ لیکن تب تک بسکٹ اور ٹوسٹ کے بہت سارے باکس آگ کی نذر ہوچکے تھے۔ بتایا جاتا ہے کہ ٹرک کی پچھلی لائٹ میں شارٹ سرکیوٹ کی وجہ سے آگ لگی تھی۔