مینگلور:  ترشول دیکشا کے ذریعے سماج میں فساد مچانا مقصود ہے تو ہم آئین کے تحفظ کیلئے تحریک شروع کریں گے: ایس ڈی پی آئی

Source: S.O. News Service | Published on 26th October 2021, 8:46 PM | ساحلی خبریں | ریاستی خبریں |

منگلورو،26؍اکتوبر(ایس او نیوز؍پریس ریلیز) سوشیل ڈیموکریٹک پارٹی آف انڈیا، منگلورضلعی کمیٹی نے ڈی سی دفتر کے روبرو "سمودھنا دیکشے "پروگرام کا انعقاد کیا۔ جس میں ایس ڈی پی آئی ریاستی کمیٹی رکن بی آر بھاسکر پرساد نے خطاب کرتے ہوئے کہا کہ اگر وی ایچ پی اور بجرنگ دل:"ترشول دیکشے"(ترشول تقسیم)کے ذریعے سماج میں بدامنی اور ہنگامہ برپا کرنا چاہتے ہیں تو ایس ڈ ی پی آئی آئین کے تحفظ کیلئے تحریک شروع کرے گی۔

حال ہی میں وی ایچ پی اور بجرنگ دل نے آیودھا پوجا کے موقع پر اپنے اراکین میں "ترشولا دیکشے "(ترشول تقسیم) کرکے سماج میں بدامنی اور انتشار پیدا کرنے کی کوشش کی تھی۔ بھاسکر پرساد نے کہا کہ پسماندہ، دلت، بلاوا اور بنٹ برادری کے نوجوان سنگھ پریوار کے تقسیم کردہ ترشول کی سازش میں پڑ کر اپنی زندگیاں خراب کررہے ہیں۔ دوسری طرف برہمن برادری سے تعلق رکھنے والے نوجوان سماج میں اعلی عہدوں پر فائز ہوتے ہوئے اپنی نفیس زندگی گذاررہے ہیں۔ بھاسکر پرساد نے طنزیہ انداز میں کہا کہ اس بات کو پسماندہ اور دلت برادریوں کو سمجھنا چاہئے۔ بھاسکر پرساد جو کرناٹک وزیر اعلی بومائی کے عمل۔ردعمل سے متعلق بیان پر برہم تھے، نے کہا کہ اگر عوام عمل۔ردعمل پر اترجائیں تو ریاست کے حالات کہا ں جاسکتے ہیں۔

بسوارج بومائی جنہیں قانون کی حفاظت کے بارے میں بیان دینا تھا اور وزیر اعلی کے عہدے پر رہتے وقت انہیں وقار اور عظمت کے ساتھ پیش آنا چاہئے، ورنہ وزیر اعلی کو اپنے عہدے سے استعفی دیکر کسی بھی تنظیم میں شمولیت اختیار کرکے اس طرح کے بیان دینا چاہئے۔ انہوں نے مزید کہا کہ دکشے کا معنی اچھا ہے لیکن منگلورو میں پیش آنے والا واقعہ لوگوں کو ایک برے ارادے کیلئے تیار کررہا تھا۔ بھاسکر پرساد نے سوال کیا کہ کیا کلاڈکا پربھاکر بھٹ، جگدیش کارنتھ اور پرمود متالک کے بہن بھائیوں میں ترشول تقسیم کی جارہی ہے؟، نہیں، ان کے بچے اعلی تعلیم کے ساتھ اچھی زندگی گذاررہے ہیں۔ لیکن پسماندہ، دلت، بنٹ اور بلاوا برادری کے بچوں کو ترشول دی جاتی ہے، کیا آپ کا یہ ارادہ نہیں ہے کہ یہ لوگ آپس میں لڑکر مرجائیں؟

ایس ڈی پی آئی دکشن کنڑا  کے صدر ابوبکر کولائی نے پروگرام کی صدارت کی اور تمہید پڑھ کر آئین کے تحفظ کا حلف دلایا۔ ضلع کے سابق صدر عطاء اللہ جوکٹے، انور سادات، سادات بجٹور، اقبال بلارے، ریاض فرنگی پیٹ، جلیل کے، الفانسو فرانکو، ویکٹر مارس، مسریا کننور اور دیگر اس پروگرام میں شریک رہے۔ ضلعی جنرل سکریٹری انور سادات نے استقبالیہ پیش کیا اورضلعی سکریٹری شاکر الکیجمل نے شکریہ ادا کیا۔ پروگرام میں خواتین سمیت سینکڑوں کارکنان شریک رہے۔

ایک نظر اس پر بھی

ہوناورمیں ہوئے پریش میستا قتل معاملے میں بی جے پی کا ہاتھ، کانگریس لیڈر بی کے ہری پرساد نے سپریم کورٹ کے ریٹائرڈ جج کی نگرانی میں جانچ کا کیا مطالبہ

کانگریس لیڈراور ودھان پریشد رکن مسٹر بی کے ہری پرساد نے آج بھٹکل میں منعقدہ پریس کانفرنس میں اس بات کا دعویٰ کیا ہے کہ چار سال قبل پٖڑوسی تعلقہ ہوناور میں ہوئے ایک 21 سالہ نوجوان پریش میستا کے قتل میں بی جے پی کا ہاتھ ہے۔

بھٹکل میں کانکریٹ مکسنگ کرنے والی سواری اُلٹ گئی؛ ایک کی موت دوسرا شدید زخمی

کانکریٹ مکسنگ کرنے والی سواری اُلٹ جانے کے نتیجے میں ایک شخص کی موت واقع ہوگئی جبکہ ڈرائیور شدید زخمی ہوگیا۔ حادثہ تعلقہ کے کُںٹوانی آروکی نامی مقام پرمنگل دیر رات کو پیش آیا۔ بتایا گیا ہے کہ سڑک کنارے کی ڈھلان پر سواری بے قابو ہوکر اُلٹ گئی تھی۔ مرنے والے کی شناخت ...

بھٹکل میں بدھ 8 ڈسمبر کو ہوگی عظیم الشان شعرو نغمہ کی محفل؛ ساحل آن لائن پرمشاعرہ ہوگا لائیو

بدھ 8 ڈسمبر کو بھٹکل نوائط کالونی میں عظیم الشان شعرو نغمہ کی محفل "محفل یاراں"  کا انعقاد کیا گیا ہے جس میں مشہور بین الاقوامی شعراء سندر مالیگاوں، الطاف ضیاء، نجم حسن پرتاپ گڑھی، سمیع اللہ برماور بھٹکلی، شکیل بھارتی، سفیان پرتاپ گڑھی، عدنان پرتاپ گڑھی وغیرہ شعراء کرام او ...

بابری مسجد کی 29ویں یوم شہادت پر ایس ڈی پی آئی نے بھٹکل سمیت ملک کے کئی شہروں میں کیا احتجاجی مظاہرہ

سوشیل ڈیموکریٹک پارٹی آف انڈیا (ایس ڈی پی آئی) نے بابری مسجد کی 29ویں یوم شہادت پر "بابری مسجد کی دوبارہ تعمیر تک ہماری جدوجہد جاری رہے گی" عنوان  کے تحت بھٹکل سمیت ملک بھر میں احتجاجی مظاہروں کا انعقاد کیا۔ جس میں خواتین سمیت ہزاروں پارٹی کارکنان اور عوام شریک رہے۔

بھٹکل بدریہ کالونی میں نوجوان پر حملہ کا معاملہ؛ دکشن کنڑا اور اُڈپی سے آئے تھے حملہ آور، پڑوسی اضلاع میں پہلے سے چل رہے ہیں مقدمات

پیر کی شب  بدریہ کالونی میں ہوئے ایک نوجوان صدام حُسین پر  حملہ کے تعلق سے پولس  نے بتایا کہ  اس پر جانوروں کو چرانے والے ایک گینگ نے حملہ کیا تھا۔

اُردو اور نائطی شاعر عبداللہ رفیق کے انتقال پرمختلف اداروں کی جانب سے خراج تحسین

بھٹکل کے اُردو اور نوائطی شاعر جناب عبداللہ رفیق صاحب دو روز قبل سنیچر کو انتقال کرگئے۔ انا للہ و انا الیہ راجعون۔ ان کے انتقال پر مختلف اداروں کی جانب سے انہیں خراج عقیدت پیش کیا گیا ہے اور کئی اداروں میں تعزیتی اجلاس بھی منعقد کرتے ہوئے ان کے حق میں دعائے مغفرت کی گئی ہے۔

میسورو: محبت کی راہ میں ملازمت رکاوٹ بن گئی ، نوکری نہ ملنے سے دلبرداشتہ دوپریمی پھانسی کے پھندے سے لٹک گئے

دو پیار کرنے والوں کی زندگی کے درمیان نوکری رکاوٹ بن گئی۔نوکری نہ ملنے سے دلبرداشتہ چامراج نگرضلع کے گنڈل پیٹ تعلقہ کے بوملاپورگرام کے رہنے والے پریمیوں نے میسورمیں انتہائی قدم اٹھاتے ہوئے خودکشی کرلی۔

اسمبلی چناؤ میں جے ڈی ایس اور پارلیمانی الیکشن میں بی جے پی کی تائید کرنے والے مطلب پرست: ریاستی وزیر ڈاکٹر سدھاکر

کولار چکبالاپورحلقہ سے اسی ماہ 10دسمبر کو ہونے جارہے کونسل چناؤ کی انتخابی مہم چلانے کیلئے آئے ہوئے ریاستی وزراء چکبالاپور کے نگران کار وزیر اور ریاستی وزیر برائے ہیلتھ ڈاکٹر سدھاکر کولار ضلع نگراں کار وزیر منی رتنا اور پارٹی لیڈروں نے آج کولار کے پریس بھون میں ایک اخباری ...

بنگلورو کے آنیکل میں کووڈ کے معا ملات میں اضافہ ، اسکول اور نرسنگ کالج کے12طلبہ سمیت27افراد کو کورونا

بنگلورو کے آنیکل تعلقہ میں کووڈ کے نئے معا ملات درج ہو نے سے مقامی لوگوں میں دہشت کا ماحول پایا جا رہا ہے۔ وہاں کے ایک اسکول اور نرسنگ کالج کے12طلبہ سمیت جملہ27افراد کو کووڈ کی تصدیق ہو ئی ہے۔

بنگلورو میں ویکسین کے دونوں ٹیکے لینے والوں کو ہی داخلہ کی اجازت ، کووڈ ضوابط کے خلاف ورزی پر سخت کارروائی،مالس،شاپنگ اور کمرشیل کامپلکس کے مالکان کو بی بی ایم پی کا انتباہ

بنگلورو  شہر میں کووڈ کی نئی قسم اومیکرون کے معا ملات کا پتا لگنے کے بعد ریاستی حکومت اور بروہت بنگلورو مہا نگر پالیکے(بی بی ایم پی) نے احتیاطی اقدامات کئے ہیں۔ اس کے پیش نظر شہر کے تمام کمرشیل کامپلکس،مالس،سنیما گھروں اور عوامی تقریبات میں شرکت کرنے والے افراد کا کووڈ کے ...