منگلورو : راستہ روک کر لوگوں کو لوٹنے والا ہجڑا گرفتار
منگلورو 30/ نومبر (ایس او نیوز) راستہ روک کر لوگوں کو لوٹنے والے ایک ہجڑے کو پولیس نے گرفتار کر لیا جس کے قضے سے مسروقہ 4 سونے کی چینس برآمد کی گئیں ۔ گرفتار کیے گئے ہجڑے کا نام ابھیشیک عرف گومبے عرف انامیکا (27 سال) بتایا گیا ہے ، جو کہ میسور کا رہنے والا ہے اور فی الحال بنگلورو میں قیام پزیر ہے ۔
بتایا جاتا ہے کہ ملزم ہجڑے نے منگلورو کے نانتور میں ہائی وے سے گزرتے وقت گنیش شیٹی نامی بائک سوار کا راستہ روکا اور اس کے چہرے پر کالی مرچ کا اسپرے کرکے اس کے گلے سے 24 گرام وزنی سونے کی چین چھین لی ۔
گنیش شیٹی کی شکایت پر کارروائی کرتے ہوئے کدری پولیس نے ابھیشیک کو گرفتار کیا اور اس کے قبضے سے ایک 71 گرام وزنی سونے کی چین کے علاوہ مزید تین گولڈ چینس برآمد کرلیں ۔