گھریلو تشدد کے معاملات پولیس ڈپارٹمنٹ کو منتقل کیے جائیں۔ ضلع پنچایت سی ای او کی ہدایت
کاروار،21/جون (ایس او نیوز) ضلع پنچایت چیف ایکزیکٹیو آفیسر محمد روشن نے خاندانی مسائل میں کاؤنسلنگ کے لئے قائم ’سانتوناکیندرا‘ میں کاؤنسیلرز سے خطاب کرتے ہوئے کہا کہ اگر جہیز ہراسانی اور گھریلو تشدد کے واقعات درپیش آتے ہیں تو پھر ان معاملات کو چائلڈڈیولپمنٹ آفیسر کے توسط سے پولیس کے حوالے کردیں۔
ضلع پنچایت سی ای نے او سانتونا کیندرا سے متعلقہ افسران کے ساتھ منعقدہ جائزہ نشست میں اظہار خیال کرتے ہوئے کہا کہ ا گر متعلقہ افراد محکمے کے سامنے حاضر ہونے میں ناکام رہتے ہیں تومعاملہ پولیس کے حوالے کرنے سے پہلے گھریلو مسائل حل کرنے کے تعلق سے متعینہ کاؤنسیلرز کو پہلے متعلقہ خاندان کو تین نوٹسیں جاری کرنا چاہیے۔ اس کے بعد بھی کوئی نتیجہ نکلتا ہے تو پھرتعلقہ سطح کے چائلڈڈیولپمنٹ آفیسرز کو چاہیے کہ ایسے معاملات میں پولیس کا تعاون لیں۔
محمد روشن نے مزید کہا کہ چائلڈ ڈیولپمنٹ آفسرز کو کم از کم مہینے میں ایک بار سانتونا کیندرا کا دورہ کرنا چاہیے اور وہاں پر موجود موومنٹ رجسٹر میں افسران اور سپروائزرس کواپنے دورے کی تفصیلات درج کرنا چاہیے۔اس کے علاوہ ڈپٹی ڈائریکٹر ویمن اینڈ چائلڈ ڈیولپمنٹ کو اپنی رپورٹ بھیجنی چاہیے۔
اس موقع ویمن اینڈ چائلڈ ڈیولپمنٹ ڈپارٹمنٹ کے ڈپٹی ڈائریکٹر راجیندرا بیکل، ڈپٹی سپرنٹنڈنٹ آف پولیس شنکر مریہال اور دیگر افسران موجود تھے۔