ٹورنٹو میں فائرنگ کے واقعے میں ایک ہلاک، 13 زخمی

Source: S.O. News Service | By Shahid Mukhtesar | Published on 23rd July 2018, 12:39 PM | عالمی خبریں |

ٹورنٹو،23؍جولائی (ایجنسی) کینیڈا کی پولیس کے مطابق ملک کے سب سے بڑے شہر ٹورنٹو میں فائرنگ کے واقعے میں ایک لڑکی ہلاک اور 13 افراد زخمی ہو گئے ہیں۔

یہ فائرنگ اتوار کی شب ڈینفرتھ اور لوگن ایوینیوز کے علاقے میں ایک ریستوران کے نزدیک ہوئی اور حملہ آور بھی فائرنگ کے تبادلے میں مارا گیا ہے۔

حکام کے مطابق زخمیوں میں ایک بچی بھی شامل ہے جس کی حالت تشویشناک ہے۔اس واقعے کے بعد کچھ زخمیوں کو جائے حادثہ پر ہی طبی امداد دی گئی جبکہ دیگر کو ہسپتال منتقل کیا گیا۔

پولیس نے موقع پر پہنچ کر علاقہ خالی کروا لیا ہے۔

تاحال واضح نہیں کہ یہ فائرنگ کیوں ہوئی اور پولیس نے عینی شاہدین سے سامنے آنے کی اپیل کی ہے۔مقامی صحافی جیریمی کوہن نے ٹوئٹر پر علاقے کی ویڈیو شیئر کرتے ہوئے کہا ہے کہ ’زخمی کئی گلیوں میں موجود ہیں۔‘

واقعے کے وقت علاقے میں موجود جوڈی سٹین ہائر نے سی بی سی نیوز کو بتایا کہ وہ اپنے اہلخانہ کے ہمراہ ایک ریستوران میں موجود تھیں جب انھوں نے دس سے پندرہ پٹاخوں کی آوازیں سنیں۔ان کا کہنا تھا کہ ’پھر ہمیں باہر سے لوگوں سے چیخنے کی آوازیں سنائی دیں۔‘

 

ایک نظر اس پر بھی

 بولیویا: صدر مورالیس مستعفی،نئے انتخابات ہونگے

وسطی جنوبی امریکہ کے ملک بولیویا کے صدر نے فوجی سربراہ کے مشورے پر اپنے عہدے سے استعفیٰ دے دیا ہے۔تفصیلات کے مطابق، بولیویا کے صدر ایوو مورالس عوامی احتجاج کے باعث اور فوجی سربراہ  کے مشورے پر اپنے عہدے سے مستعفی ہو گئے ہیں۔وہ صدر بولیویا طویل عرصے سے صدارت کے عہدے پر براجمان ...

 بنگلہ دیش میں بلبل نامی طوفان کی قہرسامانی، بارہ افراد ہلاک

بنگلہ دیش میں بلبل نامی سمندری طوفان کے سبب ہلاک ہونے والوں کی تعداد بارہ تک پہنچ گئی ہے جب کہ پانچ مچھیرے اب بھی لاپتہ ہیں۔ قدرتی آفات سے نمٹنے والی وزارت کے جونیئر وزیر انعام الرحمان نے پیر کو بتایا کہ کئی افراد نے اپنے علاقے چھوڑنے سے انکار کر دیا تھا اور جب طوفان نے زور ...

 ایران ایک نئی ڈیل کیلئے عالمی طاقتوں سے مذاکرات کرے:  متحدہ عرب امارات 

متحدہ عرب امارات کے وزیر مملکت برائے امور خارجہ انور قرقاش نے کہا ہے کہ ایران کو ایک نئی ڈیل کے لیے عالمی طاقتوں اور خلیجی ممالک سے مذاکرات کرنے چاہیے، تاکہ خطے میں جاری کشیدگی کا خاتمہ ہوسکے اور ایران کی معیشت بحال ہوسکے۔انھوں نے اتوار کے روز ابو ظبی میں منعقدہ سالانہ ...

 ایک اور سنگ میل طے، سعودیہ روبوٹ اولمپک مقابلوں میں 7 ویں نمبرپر

سعودی عرب کی روبوٹ اولمپک ٹیم نے ہنگری میں منعقدہ ورلڈ روبوٹ اولمپکس (ڈبلیو آر او) میں ایک اور سنگ میل طے کرتے ہوئے اس بین الاقوامی مقابلے میں ساتویں پوزیشن حاصل کی ہے۔ یہ مقابلہ 7 سے 10 نومبر درمیان جاری رہا جس میں 72 ممالک کی 423 ٹیموں نے حصہ لیا۔سعودی عرب کی وزارت مواصلات اور ...

 سعودی عرب: عسیر صوبے کے گاؤں نے برف کی چادر تان لی

سعودی عرب کے صوبے عسیر میں ”تہلل“ اور ”السودہ“ کے پہاڑوں کے متوازی 3500 میٹر کی بلندی پر واقع گاؤں شعف آل ویمن ان دنوں سحر انگیز منظر پیش کر رہا ہے۔سعودی عرب کے جنوب مغربی صوبے عسیر میں ابہا شہر سے 12 کلو میٹر مغرب میں واقع گاؤں نے گذشتہ روز برف باری کے بعد سفید چادر اوڑھ لی ہے۔