ٹام موڈی اور مہیلا جے وردھنے ٹیم انڈیا کے کوچ کی ریس میں شامل

Source: S.O. News Service | By Shahid Mukhtesar | Published on 1st August 2019, 11:58 AM | اسپورٹس |

ممبئی،یکم اگست (ایس او نیوز؍ یو این آئی)  ہندوستانی کرکٹ کپتان وراٹ کوہلی ٹیم انڈیا کے نئے کوچ کے لیے روی شاستری کو ہی برقرار رکھنے کی وکالت کر چکے ہیں لیکن اس اہم عہدے کے لیے آسٹریلیا کے ٹام موڈی اور سری لنکا کے مہیلا جے وردھنے بھی دعویداروں کی دوڑ میں شامل ہیں۔

ہندوستانی کرکٹ کنٹرول بورڈ (بی سی سی آئی) نے نئے کوچ کے لیے درخواست نامے مانگے تھے جس کی میعاد منگل کو ختم ہو گئی۔ موجودہ کوچ روی شاستری اور دیگر اسپورٹ اسٹاف کا معاہدہ عالمی کپ کے بعد ختم ہو گیا تھا لیکن بی سی سی آئی نے اسپورٹ اسٹاف کی 45 دن کی توسیع کرتے ہوئے ویسٹ انڈیز کے دورے تک اپنے عہدوں پر برقرار رہنے کے لئے کہا ہے۔

ہندوستان کو اگست کے شروع سے ستمبر کے اوائل تک ویسٹ انڈیز کا دورہ کرنا ہے اور جنوبی افریقہ کے خلاف 15 ستمبر سے ہونے والی گھریلو سیریز کے لئے ٹیم انڈیا کو نیا کوچ مل جائے گا۔ ویسٹ انڈیز روانہ ہونے سے پہلے کپتان وراٹ نے شاستری کی موجودگی میں پریس کانفرنس میں ہی کہا تھا کہ اگر روی شاستری اس عہدے پر بنے رہتے ہیں تو انہیں کافی خوشی ہوگی۔

وراٹ کا یہ بھی کہنا تھا کہ شاستری کی ٹیم انڈیا میں کافی عزت ہے اور وہ چاہیں گے کہ شاستری ہی کوچ کے عہدے پر برقرار رہیں۔کوچ منتخب کرنے کا حتمی فیصلہ تین رکنی کمیٹی کرے گی جس میں سابق کپتان کپِل دیو ، سابق سلامی بلے باز انشومن گائکواڑ اور سابق خاتون کرکٹر شانتا رنگاسوامی ہیں۔ یہ کمیٹی اگست کے وسط میں امیدواروں کا انٹرویو لے گی اور اپنی سفارش کو بی سی سی آئی کو سونپیں گی۔

نئے کوچ کی دوڑ میں بین الاقوامی کرکٹروں میں آسٹریلیا کے ٹام موڈی، سری لنکا کے سرکردہ بلے باز مہیلا جے وردھنے، نیوزی لینڈ کے سابق کوچ مائیک هیسن ،ٹیم انڈیا کے سابق آل راؤنڈر رابن سنگھ، ٹیم انڈیا کے سابق منیجر اور زمبابوے کے موجودہ کوچ لال چند راجپوت شامل ہیں۔

ایسی بھی اطلاعات ہیں کہ سابق ٹیسٹ بلے باز پروین آمرے نے بلے بازی كوچ کیلئے درخواست دی ہے جبکہ دنیا کے بہترین فیلڈر جنوبی افریقہ کے جانٹي روڈس فیلڈنگ کوچ کی دوڑ میں شامل ہیں۔

اگرچہ بی سی سی آئی کی پالیسی کے مطابق شاستری اور دیگرا سپورٹ اسٹاف بھرت ارون، سنجے بانگڑ اور آر سریدھر کو انتخاب کے عمل میں خود کار طریقے سے داخلہ مل جائے گا لیکن یہ دیکھنا دلچسپ ہوگا کہ کپِل دیو کی قیادت میں تین رکنی کمیٹی وراٹ کی پسند پر مہر لگاتی ہے یا نئے کوچ کا سلیکشن کرے گی۔

شاستری کے کوچ رہتے ہوئے ہندوستان نے پہلی بار آسٹریلیا میں دو۔ایک سے ٹیسٹ سیریز جیتی تھی۔ اس کے بعد ہندوستان نے ویسٹ انڈیز اور سری لنکا میں ٹسٹ سیریز اور جنوبی افریقہ، آسٹریلیا سری لنکا اور نیوزی لینڈ میں ون ڈے سیریز اپنے نام کی تھی۔

ہندوستان نے شاستری کے کوچ رہتے ہوئے ایشیا کپ پر بھی قبضہ کیا تھا لیکن انگلینڈ میں ہوئے عالمی کپ کے سیمی فائنل میں نیوزی لینڈ کے ہاتھوں اسے شکست کا سامنا کرنا پڑا ۔ ٹام موڈی آئی پی ایل میں کنگز الیون پنجاب اور سن رائجرس حیدرآباد کے کوچ بھی رہ چکے ہیں۔

دنیا کے بہترین بلے بازوں میں شمار مہیلا کے نام 20 ہزار سے زیادہ بین الاقوامی رن ہیں۔ وہ 2015 میں پاکستان دورے میں انگلینڈ ٹیم کے بلے بازی کے صلاح کار بھی رہے تھے۔ مہیلا نے 2017 میں ممبئی انڈینس کے کوچ کا عہدہ سنبھالا تھا۔ مہیلا کی رہنمائی کے تحت ممبئی ٹیم گزشتہ تین ایڈیشنوں میں دو بار فاتح رہ چکی ہے۔

ایک نظر اس پر بھی

ہندوستان کی جنوبی افریقہ کے خلاف اننگز اور 137 رن سے بڑی جیت، فریڈم سیریز پر قبضہ

ہندستان نے جنوبی افریقہ کو پہلی بار فالوآن کھیلنے پر مجبورکیا اور گیندبازوں کی شاندار کارکردگی کی بدولت دوسرا ٹسٹ چوتھے دن ہی اتوار کو اننگز اور 137رن سے جیت کر تین میچوں کی سیریز میں دوصفر کی ناقابل تسخیر سبقت حاصل کرلی ۔ ہندستان کی جنوبی افریقہ کے خلاف یہ سب سے بڑی جیت ہے اور ...

انگلینڈ کے آل راؤنڈراسٹوکس بنے پی سی اے کے ’سال کے بہترین کھلاڑی‘

انگلینڈ کے آل راؤنڈر بین اسٹوکس کو پیشہ ورانہ کرکٹروں کے ایسوسی ایشن (پی سی اے) کے ایوارڈز میں ’سال کا بہترین کھلاڑی‘منتخب کیا گیا۔اسٹوکس نے انگلینڈ کو عالمی کپ کا خطاب دلانے میں اہم کردار ادا کیا تھا جس میں وہ جولائی میں نیوزی لینڈ کے خلاف فائنل میں مین آف دی میچ رہے تھے۔28سال ...

دیپا کرماکر زخمی، جمناسٹکس چمپئن شپ میں ہندوستان کے لیے بڑا چیلنج

03/اکتوبر(آئی این ایس انڈیا) زخمی دیپا کرماکر کی غیر موجودگی میں ہندوستانی جمناسٹو کو جمعہ سے یہاں شروع ہو رہی عالمی جمناسٹکس چمپئن شپ میں سخت چیلنج کا سامنا کرنا ہوگا۔ہندوستانیوں کو حالانکہ میڈل کی توقع نہیں ہوگی لیکن وہ اپنی بہترین کارکردگی کرنا چاہتے ہیں۔ اولمپکس کے لیے ...

اظہرالدین حیدرآباد کرکٹ ایسوسی ایشن کے صدر منتخب

ہندوستانی کرکٹ ٹیم کے سابق کپتان محمد اظہر الدین حیدرآباد کرکٹ ایسوسی ایشن(ایچ سی اے) کے صدر کے باوقار عہدہ کیلئے منتخب ہوگئے۔ شہر کے علاقہ اُپل میں واقع راجیو گاندھی انٹرنیشنل کرکٹ اسٹیڈیم میں جمعہ کی صبح ایسوسی ایشن کے انتخابات منعقد ہوئے اور نتائج کا اعلان شام پانچ بجے کیا ...

کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر ...