ٹوکیو اولمپکس: ہاکی کے سیمی فائنل میں بلجیم کے ہاتھوں ہاری ٹیم انڈیا، تمغہ جیتنے کا موقع برقرار

Source: S.O. News Service | Published on 3rd August 2021, 11:12 AM | اسپورٹس |

ٹوکیو،3؍اگست (ایس او  نیوز؍ایجنسی)  جاپان کی راجدھانی ٹوکیو میں کھیلے جا رہے اولمپکس 2020 میں ہندوستان کی ہاکی ٹیم سیمی فائنل مقابلہ ہار گئی ہے۔ ٹیم انڈیا کو عالمی چیمپین بلجیم نے 2 کے مقابلہ 5 گول سے شکست دی۔ تاہم، ٹیم انڈیا کے پاس تمغہ جینے کا موقع ہنوز برقرار ہے اور اب تہ کانسی کا تمغہ جینے کے لئے میدان میں اترے گی۔

آج کے میچ کی خاص بات یہ رہی کہ پہلے ہی کوارٹر میں دونوں ٹیموں نے تین گول کئے۔ بلجیم نے میچ کے شروعاتی منٹوں میں ہی پینلٹی کارنر حاصل کیا اور اسے گول میں تبدیل کر دیا۔ جلد ہی ہندوستان نے بھی اس کا جواب دیا اور پینلٹی کارنر کو گول میں تبدیل کر کے مقاملہ کو برابر کر لیا۔ ہندوستان نے اس کے بعد ایک اور گول کیا اور بلجیم پر ایک گول کی برتری حاصل کر لی۔ ہندوستان کے مندیپ سنگھ نے ریورس ہٹ کے ذریعے شاندار گول کیا۔

دوسرے کوارٹر کی شرعات میں ہندوستان کو 2-1 سے برتری حاصل تھی تاہم بلجیم نے یکے بعد دیگرے پینلٹی کارنر حاصل کئے اور ٹیم انڈیا دباؤ میں آنے لگی۔ اس کے بعد بلجیم کے کھلاڑی الیکزینڈر ہینڈرکس نے پینلٹی کارنر کو گول میں تبدیل کر کے اسکور 2-2 سے برابر کر لیا۔

تیسرے کوارٹر میں دونوں ہی ٹیمیں گول کرنے میں ناکام رہیں لیکن بعد الیکزینڈر نے ایک اور گول کر کے بلجیم کو 3-2 کی برتری دلا دی۔ چوتھے کوارٹر میں بلجیم کی ٹیم ہندوستان پر حاوی رہی اور 53ویں منٹ میں پینلٹی اسٹروک ملنے پر الیکزینڈر نے اس کا بھرپور فائدہ اٹھاتے ہوئے بلجیم کی برتری (4-2) کو مضبوط کر دیا۔ الیکزینڈر نے دو پینلٹی کارنرز کو گولز میں تبدیل یا اور ہینڈرکس نے ہیٹ ٹرک لگائی۔ اس کے بعد بلجیم نے ایک گول اور کیا اور میچ کو 5-2 سے اپن ے نام کر لیا۔

خیال رہے کہ یہ ہندوستان کا 49 سالوں بعد پہلا سیمی فائنل تھا۔ اتوار کے روز ہندوستان برطانیہ کو 3-1 سے شکست دے کر سیمی فائل میں داخل ہونے میں کامیاب رہا تھا۔

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...