کاروار:14؍جون (ایس اؤ نیوز) اترکنڑا ضلع کے  مختلف تعلقہ جات سے تقریباً  ہرروز کورونا پوزیٹیو کے معاملات سامنے آرہے ہیں ، آج اتوار کو ضلع میں پھر 6لوگوں کو کووڈ-19وائرس سے متاثر ہونے کی رپورٹ موصول ہوئی ہے ، جس سے ضلع میں اب کورونا سے متاثرین کی تعداد  بڑھ کر 114ہوگئی ہے۔

آج کے تازہ معاملات  کمٹہ (1) ، ہوناور (4) اور ہلیال (1) سے سامنے آئی ہے۔

ذرائع سے ملی اطلاع کے مطابق  کمٹہ میں 62سالہ بزرگ جو تھانہ (مہاراشٹرا)  سے واپس آئے تھے، اُن کی رپورٹ کورونا پوزیٹو آئی ہے۔ ہوناور میں 10سالہ لڑکا سمیت  35،61، اور 65 سالہ عورتیں جوممبئی سے لوٹی تھیں چاروں کی رپورٹ کورونا پوزیٹو ہونے کی تصدیق ہوئی ہے، جبکہ  ہلیال کا ایک 34سالہ شخص جو فلپائن سے لوٹ کر بنگلورو میں کوارنٹائن کی مدت ختم ہونے کے بعد ہلیال پہنچا تھا، اس کی بھی رپورٹ کورونا پوزیٹو آئی ہے۔

بتایا گیا ہے کہ متعلقہ افراد جیسے ہی اپنے اپنے شہر پہنچے تھے ان سب کے تھوک کے سیمپل لے کر جانچ کے لئے بھیجے گئے تھے۔ صحت عامہ کو موصول ہوئی رپورٹ میں متعلقہ افراد میں  کورونا وائرس کی  تصدیق ہوئی ہے ۔

خیال رہے کہ جملہ 114 معاملات میں سے اب تک 93 لوگ صحت یاب ہوکر اسپتالوں سے ڈسچارج ہوچکے ہیں، اس طرح کیمس اسپتال میں اب 21 لوگ روبہ صحت ہیں۔