لکھنؤ،16؍ستمبر(ایس او نیوز؍آئی این ایس انڈیا) یوپی اسمبلی انتخابات کے پیش نظر دہلی کے ڈپٹی سی ایم منیش سسودیا نے آج لکھنؤمیں اعلان کیا ہے کہ یوپی میں حکومت بننے کے 24 گھنٹوں کے اندر اندر ، ہرگھرکو300 یونٹ بجلی مفت فراہم کی جائے گی۔یوپی میں ممکنہ امیدواروں کی فہرست کل ہی جاری کی گئی ہے۔منیش سسودیا نے کہاہے کہ اترپردیش میں بجلی کے مہنگے بلوں سے چھٹکارا پانے کے حوالے سے ایک اہم اعلان کیاگیاہے۔ عام آدمی پارٹی کی حکومت بننے کے 24 گھنٹوں کے اندر اندر ہر فرد کو گھریلو استعمال کے لیے 300 یونٹ تک مفت بجلی ملے گی۔

آپ پوری طاقت کے ساتھ یوپی اسمبلی انتخابات میں داخل ہونے کی تیاری کر رہی ہے تاکہ سیکولرووٹ بٹ کربی جے پی کومبینہ طورپرفائدہ پہونچاسکے ۔عام آدمی پارٹی نے یوپی کی 100 اسمبلی نشستوں کے لیے ممکنہ امیدواروں (انچارج) کے ناموں کا فیصلہ کیا ہے۔ پارٹی کے رہنما اور رکن پارلیمنٹ سنجے سنگھ نے لکھنؤ میں ان کے ناموں کا اعلان کیا ہے۔ ممکنہ امیدواروں کی اس پہلی فہرست میں پسماندہ طبقات کے 35 فیصد لوگوں کو جگہ دی گئی ہے۔ عام آدمی پارٹی نے آنے والے دنوں میں ہونے والے اسمبلی انتخابات کی تیاری شروع کر دی ہے۔