ہاویری میں طلبا کو نقل نویسی سے باز رکھنے انتظامیہ کا عجیب فیصلہ؛ سروں پر بوکس رکھ کرطلبا نے دیا امتحان ؛ فوٹو وائرل ہونے کے بعد تعلیمی آفسر گرم

Source: S.O. News Service | By I.G. Bhatkali | Published on 18th October 2019, 7:55 PM | ریاستی خبریں |

ہاویری 18/اکتوبر (ایس او نیوز) شہر کے بھگت پی  یو کالج میں  طلبا کو نقل نویسی سے روکنے کے لئے  کالج انتظامیہ نے ایک عجیب  طریقہ اپنایا  اور  طلبا کے سروں پر  بوکس رکھ کر امتحان پر بٹھایا تاکہ طلبا  اِدھر اُدھر   نہ مُڑ سکیں اور امتحان میں کسی بھی طرح کی نقل نویسی  نہ کرسکیں۔ مگر کسی نے  سروں پر بوکس رکھ کر امتحان دینے کی فوٹو سوشیل میڈیا پر وائرل کردی جس کے بعد سوشیل میڈیا پر واقعے کی جم کر مخالفت کی گئی اور معاملہ جب   تعلیمی آفسر  تک پہنچا تو انہوں نے  کالج انتظامیہ کے خلاف   وجہ بتاو نوٹس جاری کردی۔

ذرائع سے ملی اطلاع کے مطابق  جمعرات کو  کالج میں  سائنس ، کیمسٹری ، اکنامکس اور کامرس کے امتحانات ہوئے تھے جس میں سبھی طلبا  نے اپنے سروں پر بوکس رکھ کر امتحان دیا تھا،  مگر فوٹو وائرل ہوتے ہی  ضلع کے تعلیمی آفسر   (Deputy Director of Public Instruction) ایس سی پیرزادے نے کالج انتظامیہ اورکالج لیکچررس کے خلاف سخت گرم ہوتے ہوئے نوٹس جاری کیا اور پوچھا کہ اُن کے خلاف کاروائی کیوں نہیں کی جانی چاہئے ؟

اخبارنویسوں سے گفتگو کرتے ہوئے ڈی ڈی پی آئی  پیرزادے نے بتایا کہ  اس قسم کے تجربے آزمانے پر   کالج کے خلاف کاروائی کی جائے گی۔ انہوں نے کہا کہ اس طرح   کے واقعات کے تدارک کے لئے   تمام کالجس کی انتظامیہ اور لیکچررس کے ساتھ  ایک میٹنگ بلائی گئی ہے جس میں ضروری   ہدایات جاری کئے جائیں گے۔

کالج انتظامیہ ایم بی ستیش نے واقعے کے تعلق سے  بتایا کہ  بوکس کو سروں پر رکھ کر امتحان دینے  کی ہدایات صرف نقل نویسی کو روکنے کے مقصد سے  جاری کئے گئے تھے، اس کا کوئی غلط مقصد نہیں تھا، انہوں نے کہا کہ امتحانات سے پہلے ہی  ہم نے تمام طلبا کو  اس تعلق سے آگاہ کردیا تھا، مگر چونکہ اب اس تجربے کی مخالفت کی جارہی  ہے تو  ہم آئندہ  طلبا کے ساتھ ایسا نہیں کریں گے  اور معمول کے مطابق ہی  طلبا کو امتحانات  میں  بٹھائیں گے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔