بنگال انتخابات: 42 مسلمانوں سمیت ٹی ایم سی کی 291 امیدواروں کی فہرست جاری

Source: S.O. News Service | Published on 6th March 2021, 11:12 AM | ملکی خبریں |

کولکاتا،6؍مارچ (ایس او نیوز؍ایجنسی)  مغربی بنگال اسمبلی انتخابات کے لئے امیدواروں کے نام کا اعلان کرتے ہوئے وزیر اعلی ممتا بنرجی نے جمعہ کے روز اعلان کیا کہ وہ اپنے روایتی اسمبلی حلقے سے انتخاب نہیں لڑیں گی بلکہ نندی گرام سے انتخاب لڑیں گی اور بھوانی پور سے ریاستی وزیر شوبھن دیب چٹوپادھیائے انتخاب لڑیں گے۔

ممتا بنرجی نے 291 امیدواروں کی فہرست جاری کر دی ہے۔ ٹی ایم سی کی فہرست میں کم از کم 100 چہرے ایسے ہیں جنہیں پہلی مرتبہ موقع فراہم کیا جا رہا ہے۔ ٹی ایم سی پہلی پارٹی ہے جس کی جانب سے امیدواروں کے ناموں کا اعلان کیا گیا ہے، ان میں 50 خواتین اور 42 مسلم امیدوار بھی شامل ہیں۔

حال ہی میں پارٹی میں شامل ہونے والے سابق کرکٹر منوج تیواری ہاوڑا کے شیوپور سے انتخابی میدان میں اتریں گے۔ بھوانی پور سیٹ سے شوبھن دیب چٹوپادھیائے انتخابی میدان میں رہیں گے۔ اس کے علاوہ بانکورا سے فلم اسٹار سیان تیکا اور اترپاڑا سے کنچن ملک کو ٹکٹ دیا گیا ہے۔

ممتا بنرجی نے اس مرتبہ 50 خواتین کو ٹکٹ دیا ہے۔ 79 ایس سی اور 17 ایس ٹی کو بھی ٹکٹ دیا ہے۔جبکہ 42 مسلم امیدواروں کو بھی ٹکٹ دیا گیا ہے۔ ممتا بنرجی نے کہا کہ دارجلنگ، کالمپونگ اور کرسیانگ سے گورکھا جن مکتی مورچہ کے امیدوار اعلان کریں گے۔ ممتا بنرجی نے کہا کہ میں جو بولتی ہوں اس پر قائم رہتی ہوں، میں نے نندی گرام سے انتخاب لڑنے کا اعلان کیا تھا اور وہیں سے انتخاب لڑوں گی۔

ممتا بنرجی نے کہا کہ ان کی پارٹی سے کسی بھی 80 سال عمر سے اوپر کے لوگوں کو ٹکٹ نہیں دیا گیا ہے۔ میں نے بہت سے دوستوں کو ٹکٹ نہیں دیا ہے میں ان لوگوں کی شکر گزار ہوں۔ جن اہم امیدواروں کو ٹکٹ دیا گیا ہے ان میں سابق آئی پی ایس آفیسر ہمایوں کبیر، کرکٹرمنوج تیواری ودیگر شامل ہیں۔

ممتا بنرجی نے کہا کہ وہ پارٹی کے سینئر لیڈروں کو ٹکٹ نہیں دے پا رہی ہیں، کیوںکہ پارٹی میں کئی نئے چہروں کو آگے لانا تھا۔ اس لئے کئی سینئر لیڈروں کو ٹکٹ نہیں دیا جا رہا ہے۔ اگر ان کی پارٹی اقتدار میں آئے گی تو وہ ودھان پریشد کی تشکیل دیں گی تو وہاں پارٹی کے سینئر لیڈروں کو امیدوار بنائے گی۔ خیال رہے کہ دسمبر میں شوبھندو ادھیکاری کے بی جے پی میں شامل ہونے کی وجہ سے ممتا بنرجی نے نندی گرام سے انتخاب لڑنے کا اعلان کیا تھا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...