سی بی آئی کے افسروں کے خلاف کلکتہ پولیس کی ایف آئی آر
کلکتہ، 20؍مئی (ایس او نیوز؍ایجنسی) ترنمول کانگریس کی لیڈر و ریاستی وزیر چندریما بھٹاچاریہ کی شکایت کی بنیاد پر گڑیاہاٹ پولیس اسٹیشن نے سی بی آئی کے افسروں کے خلاف ایف آئی آر درج کرلی ہے۔چندریما بھٹاچاریہ نے دو دن قبل گڑیا ہاٹ پولیس اسٹیشن میں سی بی آئی کے خلاف درخواست دیتے ہوئے کہا تھا کہ ان کی اس درخواست پرجانچ کرتے ہوئے ایف آئی آر درج کیا جائے۔17 مئی کو سی بی آئی نے ترنمول کانگریس کے لیڈروں کو ان کے گھروں سے گرفتار کیا تھااور شکایت میں کہا گیا ہے کہ ان لیڈروں کو گرفتاری کے وارنٹ کے بغیر سی بی آئی کے افسروں نے انہیں گرفتار کیا ہے۔درخواست میں کہا گیا تھا کہ کلکتہ پولیس کو ان سی بی آئی اہلکاروں کے خلاف فوری کارروائی کرنی چاہئے جو غیر قانونی طریقے سے گرفتاری کر رہی ہے۔
انہوں نے شکایت میں واضح کیا کہ سی بی آئی عہدیداروں نے مرکزی وزیر داخلہ کی ہدایت پر زبردستی گرفتاری کے وارنٹ کے بغیرانہیں گرفتار کیا۔ ذرائع نے بتایا کہ ان افسروں کے خلاف دفعہ 17، 18 اے، 18، 34 آئی پی سی اور 51 (بی) ڈیزاسٹر مینجمنٹ ایکٹ کے تحت مقدمہ درج کیا گیا ہے۔