’’نمو نمو ‘والے جا رہے ہیں اور ’جے بھیم ‘والے آ رہے ہیں: مایاوتی
بدایوں،13؍اپریل (ایس او نیوز؍آئی این ایس انڈیا) سماج وادی پارٹی۔بہوجن سماج پارٹی۔راشٹریہ لوک دل اتحاد کی مشترکہ ریلی اترپردیش کے بدایوں میں ہوئی۔اس ریلی میں بی ایس پی سپریمو مایاوتی نے بھارتیہ جنتا پارٹی کو جم کر نشانے پر لیا۔مایاوتی اترپردیش سے یوگی کی پارٹی کو نہ علی کا ووٹ ملے گا اور نہ ہی میری ذات سے منسلک بجرنگ بلی ۔بی ایس پی سربراہ مایاوتی نے بتایا کہ ہمیں بجرنگ بلی اس لئے بھی ضروری ہے، کیونکہ یہ ہمارے دلت ذات سے جڑے ہوئے ہیں اور اس کی تلاش میں نے نہیں بلکہ یوپی سی ایم یوگی نے کہا کہ وہ بنواسی ہیں۔میں شکر گزار ہوں کہ یوگی جی نے اس کی معلومات دی۔یوگی کے بجرنگ بلی اور علی والے بیان پر تبصرہ کرتے ہوئے مایاوتی نے کہا کہ ہمارے علی بھی ہیں اور بجرنگ بلی بھی۔نمو نمو کرنے والے جا رہے ہیں اور جے بھیم والے آ رہے ہیں۔ مایاوتی نے دونوں جماعتوں کو نشانے پر لیتے ہوئے کہا کہ کانگریس اور بی جے پی کے منشور صرف جملے بازی ہے ۔دونوں پارٹیاں وعدے کرتی ہیں۔بی جے پی حکومت میں ملک کی حدود محفوظ نہیں ہیں۔اس دوران اکھلیش یادو اور قومی لوک دل کے صدر اجیت سنگھ بھی موجود رہے۔بتا دیں کہ بدایوں سے اتحاد کی جانب سے متحدہ امیدوار ملائم سنگھ یادو کے بھتیجے اور اکھلیش یادو کے کزن دھرمیندر یادو انتخابی میدان میں ہیں۔اس سے پہلے 11 اپریل کو اتحاد کی پہلی بڑی ریلی سہارنپور کے دیوبند میں ہوئی تھی۔اس ریلی میں بھی تینوں جماعتوں کے سرکردہ لیڈروں نے شرکت کی تھی۔