منڈگوڈ:15؍دسمبر(ایس اؤ نیوز)بودھ کا مطالعہ مسلسل کریں گے تو ہی اگلی صدی تک بودھ دھرم کی تہذیب کا عام ہونا ممکن ہے، صدیوں سے جاری نالندہ کی روایات کا تحفظ کرتے ہوئے اس کی پرورش جاری رکھنا فخر کی بات ہے۔  تبت کے دھرم گرو دلائی لامہ نے ان خیالات کااظہار کیا۔

وہ یہاں تعلقہ کے تبتی  کیمپ نمبر 6میں نوتعمیر شدہ ڈریپونگ گومانگ مذاکرہ ہال کا سنیچر کو افتتاح کرنےکے بعد خطاب کررہے تھے۔ انہوں نے کہاکہ مسلسل اور ایماندارانہ مطالعہ ہی سچائی کا راستہ دکھا سکتاہے،جنہوں نے 8ویں صدی میں  بودھ دھرم کی تبلیغ کی ہے انہیں بھولنا ممکن نہیں ہے، بودھ دھرم کے مطالعہ میں مذاکرے کی تعلیم کو اہمیت دئیے جانے کی بات کہی۔ انہوں نے ہندوستان کی تہذیب پر خیالا ت کا اظہار کرتے ہوئے کہاکہ بھارت کی قدیم تہذیب اور روایات دنیا کے لئے مثالی ہیں،  انہوں نے دنیا کو سچائی، عدم تشدد اور رحم کی تعلیم دی ہے۔موجودہ حالات پر انہوں نےکہاکہ دھرم کے معاملےمیں فساد کے واقعات زیادہ ہورہے ہیں، دنیا میں ہورہے فسادات کو روکنے کے لئے انسانی اقدار کونتیجہ خیز طورپر پھیلنے پر زور دیا۔ انہوں نے عدم تشدد سے کسی کو نقصان نہیں ہونے کی با ت کہی۔ پروگرام میں منگولیا، روس، نیپال سمیت مختلف ممالک کے بودھ دھرم کے ماننے والے شریک تھے۔