دبئی سے مینگلور کے لئے تمبے اور بیری گروپ کی جانب سے چارٹرڈ فلائٹ؛ 185 مسافرراس الخیمہ سے پہنچے مینگلور ائرپورٹ؛ بھٹکل کے بھی تھے 38 مسافر
بھٹکل 25 جولائی (ایس او نیوز) کورونا لاک ڈاون سے متحدہ عرب امارات کے مختلف شہروں میں پھنسے کنڑیگاس کو واپس وطن روانہ کرنے کے مقصد سے آج تُھمبے گروپ اور بیریس کلچرل فورم کی جانب سے ایک فلائٹ چارٹرڈ کرکے روانہ کی گئی جس میں مینگلور، اُڈپی، اُترکنڑا وغیرہ علاقوں کے 185 مسافر سوار تھے۔ مسافروں میں بھٹکل کے بھی 38 لوگ شامل تھے جو آج دوپہر بذریعہ بس مینگلور ائرپورٹ سے بھٹکل ہوٹل نیلاور اپارٹمنٹ پہنچا جہاں تمام لوگوں کو کورنٹائن کیا گیا ہے۔
آئے ہوئے مسافروں نے بتایا کہ فلائٹ پر سوار زیادہ تر مسافر مینگلور اور اُڈپی کے تھے، البتہ اُترکنڑا کے بھی 48 مسافر سوار تھے جس میں 38 مسافر بھٹکل کے، 7 منکی ، ایک گیر سوپا اور ایک سرسی کا مسافر شامل ہیں۔
مسافروں نے بتایا کہ فلائٹ آج صبح ہی مینگلور ایرپورٹ پر لینڈ ہوئی، بھٹکلی جماعت المسلمین کے ذمہ داران مینگلور ائرپورٹ پر انہیں ریسیو کرنے موجود تھے، ناشتہ اور چائے پانی کے بعد وہ بھٹکل کے لئے روانہ ہوئے۔
بعض مسافروں نے بتایا کہ کورونا لاک ڈاون کی وجہ سے انہیں ملازمت سے برطرف کیا گیا تھا، دو ماہ تک خالی فلیٹ پر پڑے رہے، رہنے کھانے کے لئے بہت زیادہ مسئلہ پیدا ہوا، ایسے میں پتہ چلا کہ تُھمبے گروپ کی جانب سے فلائٹ چارٹرڈ کی گئی ہے، فوری ذمہ داران سے رابطہ کیا اور ہمیں فلائٹ پر سیٹ مل گئی۔ مسافروں نے تھمبے گروپ اور بیری کلچرل فورم کے ذمہ داران کا شکریہ ادا کیا۔