بھٹکل :17؍جولائی  (ایس اؤ نیوز) کچرا ، گندگی وغیرہ کو کھلے میدانوں میں پھینکنے یا جلانے والوں کے خلاف  شرالی گرام پنچایت نے انتباہ دیا ہے کہ وہ قانونی کارروائی کرے گی۔

اس سلسلے میں پنچایت ممبران اور ترقی جات افسران بدھ کو شرالی گرام پنچایت حدود کے دکانوں پرملاقات کرتے ہوئے انتباہی خط دیا۔ دکاندار جہاں دیکھووہاں کچرا، گندگی نہ پھینکیں۔ اور کچر ا دیتے وقت سوکھا اور کچاکچرا الگ الگ کرکے دیں۔ اسی طرح پلاسٹک کچرا، زمین میں جذب ہونےو الا کچرا اور زہریلا یا نقصاندہ کچروں کو الگ کریں۔ ان سبھی کچروں کو ایک ساتھ جمع کریں تو نکاسی مرکز میں مسئلہ پیدا ہوتاہے، پنچایت کے لئے زائد خرچہ ہوتاہے، شہر کی پاکیزگی متاثر ہونےکی بات کہی ہے۔ اس موقع پر پنچایت کے ممبران انتھونی ڈیکوستھا، وینکٹیش نائک، پنچایت ترقی افسر چندرشیکھر اٹگی وغیرہ موجود تھے۔ خیال رہے کہ شرالی کے کھلے میدانوں میں کچر ا پھینکے جانے سے پیدا ہونےو الے ابتر حالات پر ساحل آن لائن نے رپورٹ شائع کی تھی۔