نوکری دلانے کے بہانے بنگلورو میں جسم فروشی کا دھندا چلانے والے تین ملزمین گرفتار۔ ضلع شمالی کینرا کی30لڑکیوں کو بچالیا گیا
سرسی26/دسمبر (ایس او نیوز) ضلع شمالی کینرا کی غریب لڑکیوں کو نوکریاں دلانے کے بہانے سے بنگلورو لے جاکر انہیں جسم فروشی کے دھندے میں لگانے والے تین ملزمین کو پولیس نے گرفتار کرلیا ہے، جن میں یلاپور کے ایک شخص کے علاوہ بھٹکل کے دو افراد بھی شامل ہیں۔
پولیس کے بیان کے مطابق ضلع شمالی کینرا سے تعلق رکھنے والی 30سے زائد لڑکیوں کو جسم فروشی کے جال سے بچالیاگیا ہے۔بتایا جاتا ہے کہ ضلع کے مضافاتی علاقوں میں غریب لڑکیوں کو گارمنٹ فیکٹریوں میں ماہانہ 25ہزار روپے تنخواہ والی ملازمت کا لالچ دکھاکر بنگلورو لے جانے کے بعد انہیں جسم فروشی کے لئے استعمال کیا جاتا تھا۔یہ کاروبار چلانے والی ٹولی اس طریقے سے لاکھوں روپے کماتی تھی۔پولیس نے گرفتار شدہ ملزمین کی شناخت یلاپورکے رہنے والے مہیش ہیگڈے اور بھٹکل کے ذاکر صاب اور محمد ظہیر خان کے طورپر کی گئی ہے۔
جسم فروشی کا کاروبار چلانے والی اس گینگ سے تفتیش کے بعد ضلع شمالی کینرا س تعلق رکھنے والی 30سے اور جنوبی کینرا کی 20سے زائد لڑکیوں کو اس کاروبار سے باہر نکال لیا ہے۔ ان میں سرسی، یلاپور، سداپور، ہوناور اور بھٹکل سے تعلق رکھنے والی لڑکیاں شامل ہیں۔