بلگاوی 22مئی (یواین آئی/ایس او نیوز) محکمہ انسداد رشوت ستانی کے عہدیداروں نے 3افراد بشمول ایک ریونیو انسپکٹر اور دو درمیانی افراد کو گرفتارکرلیا اور یہاں سے تقریباً 50کلومیٹر دور بیلہنگل میں واقع دفتر سے 1.86لاکھ روپے کی غیرمحسوب رقم برآمد کی۔

اے سی بی کے ڈپٹی کمشنر پولیس (کرائم) امرناتھ ریڈی نے کل شب یہ کارروائی ریونیو انسپکٹر آفس’بیلہنگل نے کی اور ریونیو انسپکٹر ابراہیم’درمیانی افراد دلاور قادر صاب اور داداپیر کو گرفتار کرلیا۔ ا س بات کا الزام ہے کہ گرفتار ریونیو انسپکٹر وصول ہونے والی رقم کی سرکاری رسید جاری نہ کرنے عوام سے درمیانی افرادکے ذریعہ یہ رقم وصول کیا کرتے تھے۔ اے سی بی کے عہدیداروں نے گرفتار ریونیو انسپکٹر کے پاس سے 1,86,030روپے برآمد کرلئے ۔ بتایا گیاہے کہ  اس تعلق سے انسپکٹر  ان کے دفتر سے برآمد رقم کا مناسب جواب دینے میں ناکام رہے۔