کانپور انکاؤنٹر میں ایک نیا انکشاف! تین مزید پولس اہلکاروں پر ہوئی کارروائی

Source: S.O. News Service | Published on 6th July 2020, 9:34 PM | ملکی خبریں | ان خبروں کو پڑھنا مت بھولئے |

کانپور،6؍جولائی(ایس او نیوز؍ایجنسی) کانپور کے چوبے پور میں ہوئے تصادم کے تقریباً 75 گھنٹے گزر جانے کے باوجود جرائم پیشہ وکاس دوبے کا کوئی سراغ نہیں لگ سکا ہے۔ اس معاملے میں لاپروائی برتنے والے 3 مزید پولس اہلکاروں کو معطل کر دیا گیا ہے۔ 8 پولس اہلکاروں کے شہید ہونے کے بعد پولس کی کئی درجن ٹیمیں اس کی تلاش میں لگی ہوئی ہیں۔ کانپور کے سینئر پولس سپرنٹنڈنٹ دنیش کمار نے بتایا کہ ڈیوٹی میں لاپروائی کرنے پر چوبے پور کے سب انسپکٹر کنور پال، سب انسپکٹر کرشن کمار (کے کے) شرما اور کانسٹیبل راجیو کو معطل کر دیا گیا ہے۔ جیسے جیسے معاملے میں جانکاری مل رہی ہے، لگاتار کارروائی کی جا رہی ہے اور سبھی تھانوں کی ٹیمیں الرٹ پر ہیں۔

ہسٹری شیٹر وکاس دوبے کو اس بات کی جانکاری تھی کہ پولس کی ٹیمیں شکنجہ کسنے کے لیے آ رہی ہیں۔ وکاس نے اپنے ساتھیوں کے ساتھ مل کر پولس پر حملے کا منصوبہ تیار کر لیا تھا۔ وکاس کو پولس کے ہر عمل کی جانکاری مل رہی تھی۔ اس تک یہ خبر کون پہنچا رہا تھا، اس کی جانچ چل رہی ہے۔ اس سے پہلے چوبے پور تھانہ انچارج ونے تیواری کو بھی معطل کیا جا چکا ہے۔

اُدھر پولس افسر روزانہ بیکرو گاؤں پہنچ رہے ہیں اور واقعہ میں شامل وکاس سمیت سبھی بدمعاشوں کی مجرمانہ تاریخ کھنگال رہے ہیں۔ ریاست کی سرحدوں کو سیل کر دیا گیا ہے۔ نیپال بارڈر پر بھی الرٹ جاری کر دیا گیا ہے۔ وکاس کی آخری لوکیشن پولس نے اوریہ میں ٹریس کی تھی۔ وہیں پولس نے بیکرو گاؤں میں وکاس کے مکان کو زمین دوز کر دیا ہے۔ اس کے گھر سے کثیر مقدار میں اسلحہ بارود برآمد ہوا ہے۔

آئی جی موہت اگروال کے مطابق ڈویژن سطح پر پولس کی کئی درجن ٹیموں کو لگایا گیا ہے جب کہ ہیڈکوارٹر سطح سے بھی کئی ٹیموں کو موسٹ وانٹیڈ وکاس دوبے کی تلاش میں لگایا گیا ہے۔ اس میں ایس ٹی ایف کی بھی ٹیمیں شامل ہیں۔ اس سرچ آپریشن میں کئی سو پولس والے ریاست اور ریاست سے باہر ہسٹری شیٹر وکاس دوبے کی تلاش کر رہے ہیں۔

پولس کو کل وکاس کے گھر سے اسلحہ اور گولہ بارود بھی ملا ہے۔ اے ایس پی دنیش کمار کے مطابق 6 طمنچے اور 15 بم کے علاوہ 25 کارتوس بھی ملی ہے۔ جس طرح سے اس کے یہاں اسلحہ ملے ہیں، اس کے دیگر کنکشنز پر بھی پولس نظر رکھ رہی ہے۔ موسٹ وانٹیڈ ہسٹری شیٹر وکاس دوبے کے ساتھ واردات میں شامل رہے ساتھی دیاشنکر اگنی ہوتری عرف کلو سے پولس پوچھ تاچھ کر رہی ہے۔ اس نے بھی کچھ ضروری راز پولس کو بتائے ہیں۔

ایک نظر اس پر بھی

رائل سیما لفٹ اریگیشن پروجیکٹ: آندھرا کے خلاف تلنگانہ حکومت پہنچی سپریم کورٹ

 تلنگانہ حکومت اے پی حکومت کے رائل سیما لفٹ اریگیشن پروجیکٹ کے خلاف سپریم کورٹ سے رجوع ہوئی۔ حکومت نے عدالت عظمی سے خواہش کی کہ وہ اس پروجیکٹ کے احکام منسوخ کرے اور ٹنڈر کے عمل کو بھی روکا جائے۔

جموں۔کشمیرمیں آرٹیکل 370 کے خاتمہ کا ایک سال مکمل، ممکنہ احتجاجی مظاہروں کے پیش نظر انتظامیہ نےاحتیاطی طور پرحکم امتناعی نافذ کی

گزشتہ سال 5 اگست کو جموں و کشمیر کو مرکز کے زیر انتظام کرنے اور دیگر کئی اہم اقدامات نفاذ کرنے کےحکومت کے فیصلےکو ایک سال مکمل ہونے کے موقع پر ممکنہ احتجاجی مظاہروں کے پیش نظر انتظامیہ نے وادی کشمیر میں احتیاطی طور پرحکم امتناعی نافذ کردی ہے۔ تاہم ممبئی میں مقیم کشمیری طالب علم ...

کشمیر میں دوسرے روز بھی کرفیو جیسی پابندیاں

انتظامیہ کی جانب سے کرفیو ہٹائے جانے کے اعلان کے برعکس وادی کشمیر بالخصوص ضلع سری نگر کے تمام علاقوں میں بدھ کے روز بھی سخت ترین پابندیاں عائد رہیں اور سڑکوں پر سیکورٹی فورسز اور ان کی گاڑیوں کے سوا کوئی نظر نہیں آیا۔

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

بھٹکل میں کل 5 اگست کو 144 نافذ؛ ایودھیا میں رام مندر’شیلا نیاس اور بھومی پوجا‘کے پس منظر میں ریاست کے مختلف علاقوں میں احتیاطی اقدامات

یوپی کے ایودھیا میں 5اگست کو رام مندر کی تعمیر کے لئے ’شیلانیاس اور بھومی پوجا‘کی رسم اداکی جارہی ہے۔ اس پس منظر میں امن وامان اور شانتی بنائے رکھنے کے لئے بھٹکل تعلقہ میں تحصیلدار کی جانب سے دفعہ 144کے تحت 5اگست کی صبح 6بجے سے رات 8بجے تک امتناعی احکامات لاگو کرنے کا اعلان کیا ...

کرناٹک کے سابق وزیر اعلیٰ سدارمیا پر بھی کورونا کا حملہ، اسپتال میں داخل

سیاسی لیڈران کے کورونا انفیکشن کی زد میں آنے کا سلسلہ جاری ہے۔ کرناٹک کے وزیر اعلیٰ بی ایس یدی یورپا اور ان کی بیٹی کے کورونا پازیٹو ہونے کی خبروں کے بعد اب ریاست کے سابق وزیر اعلیٰ اور اسمبلی میں اپوزیشن لیڈر سدارمیا کے بھی کورونا پازیٹو ہونے کی خبریں سامنے آئی ہیں۔ اس سلسلے ...

منگلورو: ایودھیا میں ’بھومی پوجا‘ کے پس منظر میں 5؍اگست کوشہر میں لاگو ہونگے امتناعی احکامات

ایودھیا میں رام مندر کی تعمیر کے لئے سنگ بنیاد رکھنے کی رسم کے تحت 5؍اگست کو ’بھومی پوجا‘ ہونے جارہی ہے۔ اس پس منظر میں سٹی پولیس کمشنر وکاش کمار نے شہر میں دفعہ 144کے تحت امتناعی احکامات نافذ کردئے ہیں۔

کاسر گوڈ: اپنی شادی نہ کروانے سے ناراض شخص نے بیک وقت 4رشتے داروں کو کلہاڈی سے قتل کرڈالا

کمبلے کے قریب پاؤلیکے پنچایت حدود میں ایک شخص نے اپنے چار قریبی رشتے داروں کواپنی شادی کی فکر نہ کرنے کی وجہ سے ناراض ہوکر کلہاڈی سے قتل کر ڈالا۔ اس قاتلانہ حملے سے اس کی ماں بچ نکلنے میں کامیاب ہوگئی جبکہ ملزم کو مقامی لوگوں نے دھر دبوچ کر پولیس کے حوالے کردیا ہے۔

کرناٹک کے ضلع گدگ میں ماں نے اپنے بچوں کی تعلیم کے لئے ٹی وی خریدنے کے لئے "منگلسوتر" بیچ دیا

ریاست کرناٹک کے ضلع گدگ کی ایک خاتون نے کووڈ 19 وباء کے درمیان ٹی وی کے ذریعے کلاس جاری رکھنے کے کرناٹک حکومت کے فیصلے کے بعد اپنے بچوں کے لئے ٹیلی ویژن سیٹ خریدنے کے لئے اپنا "منگلسوتر" فروخت کر دیا۔