بھٹکل کی ایک ماروتی اومنی تراسی ہائی وے پر اُلٹ گئی؛ بال بال بچے لوگ
کنداپور 25/جون (ایس او نیوز) کنداپور سے بھٹکل جانے کےدوران ایک ماروتی اومنی کار تراسی نیشنل ہائی وے پر دو بار پلٹیاں کھاتے ہوئے سڑک کے باہر جاگری، حادثہ میں اومنی کو شدید نقصان پہنچا ہے مگر اومنی میں سوار تینوں لوگ معمولی زخموں کے ساتھ بال بال بچ گئے ہیں۔ واردات آج جمعرات شام کو پیش آیا۔
اطلاع کے مطابق کار پر سوار بھٹکل کے ایک ہی خاندان کے تین لوگ کنداپور سے بھٹکل جارہے تھے اچانک اومنی کا ایک ٹائر پھٹ گیا جس کے نتیجے میں اومنی بے قابو ہوکر پلٹیاں کھاتے ہوئے سڑک کے باہر جاگری۔
حادثے میں بھٹکل منکولی کے رہنے والے رام داس نائک، اس کی بیوی رینوکا اور اس کی بیٹی اکشیتھا تینوں کو معمولی چوٹیں آئی ہیں۔