ہاسن نیشنل ہائی وے پر تیز رفتار کار کی پیچھے سے لاری کو ٹکر؛ تین ہلاک ایک شدید زخمی

Source: S.O. News Service | By I.G. Bhatkali | Published on 19th June 2021, 11:31 PM | ساحلی خبریں | ریاستی خبریں |

مینگلور 19 جون (ایس او نیوز)  شہر سے قریب 70 کلو میٹر دور بیلتنگڈی سے تعلق رکھنے والے  تین لوگ اُس وقت ہلاک ہوگئے جب اُن کی کار ہاسن نیشنل ہائی وے 75 پر تیز رفتاری  کے ساتھ   ایک ٹرک سے ٹکراگئی۔ حادثہ سنیچر رات قریب  آٹھ بجے پیش آیا۔

ذرائع سے ملی اطلاع کے مطابق  ہاسن میں موسلادھار بارش کے چلتے   یہ حادثہ پیش آیا۔ بتایا گیا ہے کہ ہائی وے پر  ہمپ آنے کی وجہ سے ٹرک نے اچانک بریک لگادئے تھے ، لاری کے بریک لگتے ہی  پیچھے سے آنے والی تیز رفتار کار   ٹرک سے ٹکراگئی۔ حادثے میں دو بھائی جن کی شناخت  آنّا جئے پرکاش  (25) اور یوگیش (23) کی حیثیت سے کی گئی ہے، جنہوں نے موقع پر ہی دم توڑ دیا تھا۔ جبکہ ایک اور مہلوک  جس کی شناخت فوری طور پر نہیں ہوسکی، اسپتال لے جانے کے دوران چل بسا۔ پتہ چلا ہے کہ  مہلوک  دونوں بھائیوں کا تعلق  بیلتنگڈی کے اِنڈا بیٹّو  سے  تھا۔ 

ذرائع کے مطابق کار پر جملہ چار لوگ سوار تھے۔ بتایا گیا ہے کہ  حادثے میں چوتھا شخص شدید زخمی ہوا ہے، جسے ہاسن ضلعی اسپتال میں داخل کیا گیا ہے،  اُس کی بھی فوری طور پر شناخت نہیں ہوسکی ہے۔

بتایا گیا ہے کہ حالیہ دنوں میں متعلقہ مقام  پر کئی حادثات  رونما ہوچکے ہیں۔

حادثے کی اطلاع ملتے ہی  سنئیر پولس حکام نے جائے وقوع پر پہنچ کر حالات کا جائزہ لیا ہے۔

 

ایک نظر اس پر بھی

اترکنڑا میں بارش کا سلسلہ جاری؛ 737کروڑروپیوں کا نقصان، راستوں پر چٹان کھسکنے کے واقعات جاری

اترکنڑا ضلع میں مسلسل برسی بارش سے پید ا ہونے والے سیلاب کےنتیجےمیں کل 737.54 کروڑ روپئے کا نقصان ہونے اور سڑکیں، برج، سرکاری عمارات، پینے کےپانی کے منصوبے ، چھوٹی آب پاشی کے تعمیراتی کام، ہیسکام اور قومی شاہراہ سمیت کئی محکمہ جات کی املاک کو نقصان پہنچنے کا ضلع انتظامیہ نے ...

بنٹوال : پائپ لائن میں سوراخ بنا کر ڈیزل کی چوری ۔ کیس درج ہونے کے بعد ملزم ہوگیا فرار

بنٹوال کے مضافات اربی سوناڈو علاقے میں ایوان نامی ایک شخص کے ذریعے منگلورو ریفائنری اینڈ پیٹرولیم لمیٹیڈ (ایم آر پی ایل) کی پائپ لائن میں سوراخ بنا کر ڈیزل چوری کرنے اور زمین کے اندر سے ہی ڈیڑھ کلومیٹر دور پائپ بچھا کر ڈیزل اپنے گھر تک لے جانے کا معاملہ سامنے آیا ہے۔

مہاراشٹرا کے کونکن میں  سیلاب سے مچی تباہی کا منظر دیکھنے کے بعد  بھٹکل تنظیم وفد کے اراکین کی طرف سے 22 لاکھ روپیوں کی امداد؛ بازآباکاری کے لئے بھٹکل تنظیم کی طرف سے امداد کی اپیل

ومی سماجی ادارہ مجلس اصلاح و تنظیم بھٹکل کے نائب صدر(دوم)جناب  عتیق الرحمن مُنیری کی قیادت میں چار گاڑیوں پر  جملہ 19 اراکین پر مشتمل وفد جب مہاراشٹرا کے کونکن علاقہ پہنچا اور اپنی انکھوں سے تباہی کے  مناظر دیکھے  تو  کئی ایک کی انکھوں سے آنسو جاری ہوگئے تو کئی ایک  افسوس کا ...

یلاپور تعلقہ میں سیلاب سے بری طرح متاثر کلچی مضاف کو مکمل منتقل کیا جائے گا: وزیر اعلیٰ بسوراج بومائی

اترکنڑا ضلع یلاپور تعلقہ کے وجرلی گرام پنچایت حدود کے کلچی نامی مضاف بری طرح متاثر ہوا ہے، یہاں سب سے زیادہ زمین کھسکنے اور رہائشی علاقوں کو نقصان پہنچنے کے واقعات پیش آئے ہیں۔ وزیر اعلیٰ بسوراج بومائی نے مضاف کا معائنہ کرنے کے بعد ضلعی انتظامیہ کو حکم دیا کہ کلچی مضاف مکمل ...

بسوراج بومئی کرناٹک کے 30ویں وزیراعلی ؛گورنر تاور چند گہلوٹ نے دلایاعہدہ کی راز داری کا حلف

یڈی یورپا  کے سبکدوش  ہونے کے بعد بدھ 28 جولائی کو  بسواراج بومئی نے ریاست کرناٹک کے 30 ویں وزیراعلی کی حیثیت سے حلف اٹھایا - راج بھون کے گلاس ہاؤز میں منعقدہ مختصر تقریب میں ریاستی گورنر تاور چند گہلوٹ نے بومئی کوعہدہ کی راز داری کا حلف دلایا ۔

بنگلورو: خواتین کے تحفظ کیلئے ریلوے پو لیس کو13موٹر سائیکلیں فراہم

خواتین کے تحفظ کیلئے ریلوے ڈویژن پو لیس نے اپنے اہلکاروں کو13موٹر سائیکلیں فراہم کی ہیں۔ سنگولی رائنا سٹی ریلوے اسٹیشن احاطہ میں ریلوے ڈویژن کے اڈیشنل ڈرائرکٹر جنرل آف پو لیس(اے ڈی جی پی) بھاسکر راؤ نے موٹر سائیکلوں کو عملہ میں تقسیم کیا۔

ریاستی کابینہ میں توسیع جلد کی جائے: کمارسوامی

سابق وزیر اعلیٰ اور ریاستی جنتا دل کے رہنما ایچ ڈی کماسوامی نے وزیر اعلیٰ بسوراج بومئی سے کہا ہے کہ ریاست میں سیلاب کی سنگین صورتحال سے نپٹنے کے لئے وہ اپنی کابینہ میں جلد از جلد توسیع کریں۔

کرناٹک: یڈی یورپا کے استعفیٰ سے غمزدہ حامی نے کر لی خودکشی

کرناٹک کے وزیر اعلی بی ایس یڈی یورپا کے استعفیٰ سے غمزدہ ہوکر ان کے ایک حامی نے خود کشی کرلی ہے، جس پر وزیراعلی نے نوجوانوں کو اس طرح کے قدم نہ اٹھانے کی اپیل کی ہے۔ پولیس ذرائع نے بتایا کہ خودکشی کرنے والے کی شناخت روی (35) کے طور پر ہوئی ہے اور وہ چامراج نگر ضلع کے بومل پور گاؤں کا ...