راجیو گاندھی قتل معاملہ کے تین ملزمین اپنے وطن سری لنکا لوٹے، دو سال قبل ہوئی تھی رِہائی

Source: S.O. News Service | Published on 3rd April 2024, 4:05 PM | ملکی خبریں |

نئی دہلی، 3/اپریل (ایس او نیوز /ایجنسی) راجیو گاندھی قتل معاملہ کے تین سابق ملزمین 3 اپریل کو اپنے وطن سری لنکا لوٹ گئے۔ ان کے نام مروگن عرف شری ہرن، جئے کمار اور رابرٹ پائس ہیں جو سری لنکائی طیارہ سے اپنے وطن پہنچے ہیں۔ ان کی رِہائی دو سال قبل ہوئی تھی جس کے بعد انھیں ایک کیمپ میں رکھا گیا تھا۔

سپریم کورٹ نے نومبر 2022 میں راجیو گاندھی قتل معاملے کے سات ملزمین کو رِہا کر دیا تھا۔ ان میں مروگن، جئے کمار اور رابرٹ پائس بھی شامل تھے۔ رِہائی کے بعد انھیں تیروچیراپلی میں ایک خصوصی کیمپ میں رکھا گیا تھا۔ منگل کی شب وہ چنئی لائے گئے اور آج صبح ہی کولمبو کے لیے روانہ ہوئے۔

قابل ذکر ہے کہ تمل ناڈو حکومت نے مدراس ہائی کورٹ کو مطلع کیا تھا کہ فارین رجسٹریشن آفس کی طرف سے ایگزٹ آرڈر ملنے کے بعد وہ تینوں اپنے گھر واپس جا سکتے ہیں۔ اس سے قبل سری لنکائی ہائی کمیشن نے ان کی گھر واپسی کے لیے سفری دستاویز جاری کیا تھا۔ اس معاملے میں مزید ایک سری لنکائی ملزم کی موت ہو گئی تھی۔ راجیو گاندھی قتل معاملے کے دیگر ملزمین جنھیں رِہا کر دیا گیا ہے، وہ سبھی ہندوستانی ہیں۔ ان کی شناخت پیراریولن، روی چندرن اور نلنی کی شکل میں کی گئی ہے۔ سبھی ملزمین نے تقریباً 30 سال کا وقت جیل میں گزارا ہے۔

واضح رہے کہ 21 مئی 1991 کو تمل ناڈو کے شری پیرمبدور میں انتخابی ریلی کے دوران ایک خاتون خودکش حملہ آور نے خود کو دھماکہ سے اڑا لیا تھا۔ اس میں سابق وزیر اعظم راجیو گاندھی شہید ہو گئے تھے۔ خاتون کی شناخت دھنو کے طور پر ہوئی تھی۔ پولیس نے اس معاملے میں کئی لوگوں کو ملزم بنایا تھا، جن میں پیراریولن، مروگن، سنتھن، روی چندرن، رابرٹ پائس، جئے کمار اور نلنی شری ہرن شامل تھے۔ 1998 میں ٹاڈا عدالت نے پیراریولن، مروگن، سنتھن اور نلنی کو موت کی سزا سنائی تھی۔ راحت نہیں ملنے کے بعد پیراریولن اور دیگر قصورواروں نے سپریم کورٹ کا رخ کیا تھا۔ 1999 میں سپریم کورٹ نے سزا کو برقرار رکھا۔ 2014 میں اسے تاحیات قید میں بدل دیا گیا تھا۔

ایک نظر اس پر بھی

راجستھان: اس مرتبہ نوجوانوں، خواتین، کسانوں، دلتوں و قبائلیوں کی حکومت بنے گی، الور میں پرینکا گاندھی کا خطاب

کانگریس جنرل سکریٹری پرینکا گاندھی نے پیر کے روز الور لوک سبھا سیٹ سے کانگریس امیدوار للت یادو کی حمایت میں عظیم الشان روڈ شو کیا۔ روڈ شو میں پرینکا کھلی چھت والی گاڑی میں سوار تھیں اور ان کے ساتھ راجستھان کے سابق وزیر اعلیٰ اشوک گہلوت، اسمبلی میں حزب مخالف لیڈر ٹیکارام جولی، ...

میرا نام اروند کیجریوال ہے، میں دہشت گرد نہیں ہوں، جیل کی سلاخوں کے پیچھے سے وزیر اعلیٰ کیجریوال کا جذباتی پیغام

عام آدمی پارٹی کے رکن راجیہ سبھا سنجے سنگھ نے کہا ہے کہ دہلی کے وزیر اعلیٰ نے جیل سے لوگوں کو پیغام بھیجا ہے کہ ’میرا نام اروند کیجریوال ہے، میں دہشت گرد نہیں ہوں۔‘ سنجے سنگھ نے کہا کہ مرکزی حکومت اروند کیجریوال کے ساتھ دہشت گردوں جیسا سلوک کر رہی ہے۔ وزیر اعظم اپنی بدنیتی میں ...

سپریم کورٹ نے امانت اللہ کی پیشگی ضمانت کی درخواست مسترد کردیا

دہلی کے عام آدمی پارٹی کے ایم ایل اے امانت اللہ خان کو پیر (15 اپریل 2024) کو سپریم کورٹ سے بڑا جھٹکا لگا ہے۔ سپریم کورٹ نے وقف بورڈ گھوٹالے سے متعلق معاملے میں امانت اللہ کو ای ڈی کے سامنے پیش ہونے کو کہا ہے۔ سپریم کورٹ نے پیشگی ضمانت کی مانگ کو مسترد کرتے ہوئے کہا کہ اگر ای ڈی کے ...

آر ایس ایس کو ملک کا آئین نہیں بدلنے دے گی کانگریس، کیرالہ میں راہل گاندھی نے چلائی عوامی رابطہ مہم

کانگریس کے سابق صدر اور کیرالہ کے وائناڈ سے لوک سبھا امیدوار راہل گاندھی نے 15 اپریل کو وائناڈ میں عوامی رابطہ مہم چلائی۔ اس مہم کے دوران راہل گاندھی کا جگہ جگہ شاندار استقبال ہوا۔ بیشتر مقامات پر لوگوں کا ہجوم امنڈتا ہوا دکھائی دیا اور کچھ مقامات پر راہل گاندھی رک کر لوگوں سے ...

کانگریس نے انتخابی تشہیر کے لیے جاری کیا ’ہاتھ بدلے گا حالات‘ نغمہ، عوام تک پہنچے گی پارٹی کی گارنٹیاں

 لوک سبھا انتخاب کے پیش نظر کانگریس لیڈران کی ریلیاں اور روڈ شو جاری ہیں۔ اس درمیان کانگریس نے پیر کے روز انتخابی تشہیر کے مقصد سے ’ہاتھ بدلے گا حالات‘ نغمہ جاری کر دیا ہے۔ کانگریس اس نغمہ کے ذریعہ پارٹی کے انتخابی منشور میں شامل ’پانچ نیائے‘ کے تحت دی گئی 25 گارنٹیوں کو ملک ...

اسرائیلی جہاز پر پھنسے 17 ہندوستانیوں سے ہندوستانی افسران کی جلد ہوگی ملاقات، ایران کی یقین دہانی

  ایران و اسرائیل کی کشیدگی کے دوران جہاں ایک جانب ہندوستانی اسٹاک ایکسچنج لڑکھڑا نے لگا ہے تو وہیں ایران کی جانب سے ہندوستان کے لیے ایک راحت کی خبر بھی ہے۔ ایران نے اعلان کیا ہے کہ وہ ہندوستانی افسران کو اسرائیلی مقبوضہ جہاز پر سوار 17 ہندوستانیوں سے ملاقات کی جلد اجازت دے گا۔ ...