کرناٹک میں کورونا سے مزید 3 اموات، متاثرین کی تعداد 601 تک پہنچ گئی
بنگلورو، 3؍مئی (ایس او نیوز) کرناٹک میں ہفتہ کے روز کورونا وائرس کے سبب مزید3 اموات ہوئیں، جبکہ 12 نئے متاثرین کی نشاندہی ہوئی۔ جس کے ساتھ ہی کرناٹک میں کورونا وائرس کے متاثرین کی تعداد 600 سے متجاوز ہو کر 601 تک پہنچ گئی۔
ریاستی محکمہ صحت و خاندانی بہبود کی طرف سے جاری تفصیلات کے مطابق داونگیرے میں 69 سالہ ایک شخص کی موت ہوگئی، بیدر میں ایک 82 سالہ شخص اور بنگلورو رورل میں 63 سالہ شخص کی موت ہوگئی۔کرناٹک میں سامنے آنے والے 12 ؍ نئے معاملات میں وجئے پورہ اور ٹمکورو سے 2،2 معاملات ، بیدر ، چکبالاپور ، بیلگاوی اور باگل کوٹ ضلع سے ایک ایک کیس سامنے آیا۔ریاست میں اب تک 271 متاثرین صحت یاب ہوچکے ہیں۔ بنگلورو اربن ضلع سے4 نئے معاملات معاملات سامنے آئے ہیں۔ کرناٹک میں اب تک کورونا وائرس سے مرنے والوں کی تعداد بڑھ کر 25 ہوگئی۔ بنگلورو میں 4 نئے معاملات کے بعد متاثرین کی تعداد 145 ہوگئی۔ شہر میں اب تک 6 اموات ہوئی ہیں۔
بنگلورو میں اب تک صحت یاب ہونے والی کی تعداد 71 ہوچکی ہے جبکہ زیر علاج مریضوں کی تعداد 67 ہے۔میسورو میں متاثرین کی تعداد 88 ہے ان میں سے 64 صحت یاب ہوچکے ہیں اور 24 زیر علاج ہے۔