کشمیر: مشتبہ جنگجوؤں کے حملے میں بی جے پی کے تین کارکن ہلاک

Source: S.O. News Service | Published on 30th October 2020, 11:17 PM | ملکی خبریں | ان خبروں کو پڑھنا مت بھولئے |

سری نگر،30؍اکتوبر(ایس او نیوز؍ایجنسی) وزیر اعظم نریندر مودی نے جموں و کشمیر کے ضلع کولگام میں عسکریت پسندوں کے ہاتھوں بھارتیہ جنتا پارٹی کے تین کارکنوں کی ہلاکت پر تعزیت کرتے ہوئے ان کے کنبہ سے گہرے رنج وغم کا اظہار کیا ہے۔ جمعرات کی شام تقریباً 8 بجے کشمیر کے عسکریت پسندوں نے عید گاہ وائے کے پورہ علاقہ میں بی جے پی ضلع یوتھ کے جنرل سکریٹری فدا حسین یاٹو اور دو دیگر کارکنان عمر راشد بیگ اور عمر رمضان حزم پر فائرنگ کی جس کے نتیجے میں تینوں کارکن ہلاک ہوگئے۔

وزیر اعظم مودی نے جمعرات کی رات دیر گئے ٹوئٹ کیا ’’میں بی جے پی کے تین نوجوان کارکنوں کے قتل کی شدید مذمت کرتا ہوں۔ یہ تینوں بہت ہی بہترین کارکن تھے اور جموں و کشمیر میں عمدہ کام کر رہے تھے۔ اس مشکل گھڑی میں میں ان کے کنبہ سے تعزیت کا اظہار کرتا ہوں۔ ایشور ان کی روح کو شانتی عطا فرمائے۔‘‘

ایک پولیس افسر نے جمعرات کے رو بتایا کہ بی جے پی کے ضلعی یوتھ جنرل سکریٹری فدا حسین یاٹو اور دو دیگر کارکنوں عمر راشد بیگ اور عمر رمضان حزم کو عسکریت پسندوں نے فائرنگ کر کے ہلاک کر دیا ہے۔ فائرنگ کے دوران دونوں کارکنان زخمی ہو گئے تھے۔ انہیں علاج کے لئے مقامی اسپتال میں داخل کرایا گیا، جہاں انہیں مردہ قراردے دیا گیا۔

پولیس افسر نے بتایا کہ عسکریت پسند اندھیرے کا فائدہ اٹھا کر موقع سے فرار ہونے میں کامیاب ہوگئے۔ ان کی گرفتاری کے لئے سیکیورٹی فورسز نے علاقے میں سرچ آپریشن شروع کردیا ہے۔ انہوں نے کہا ’’پولیس نے تینوں کارکنوں کے قتل کے لئے متعلقہ دفعات کے تحت مقدمہ درج کرلیا ہے اور تفتیش شروع کردی گئی ہے‘‘۔

ایک نظر اس پر بھی

’ماہرین کی رائے کو نظر انداز کر کے صنعت کاروں کو بینک کھولنے کی اجازت دی گئی‘

 ریزرو بینک آف انڈیا (آر بی آئی) کے سابق گورنر رگھورام راجن اور سابق ڈپٹی گورنر ویرل آچاریہ کا کہنا ہے کہ حکومت اور مرکزی بینک نے بڑے صنعت کاروں کو بینک کھولنے کا لائسنس دیتے وقت ماہرین کی صلاح کو نظر انداز کر دیا۔

بھٹکل گُڈلک روڈ میں پائپ لائن بچھانے کے کاموں میں عوام کی طرف سے شکایات کے بعد بھٹکل میونسپل چیف نے واٹربورڈ کے آفسران کے ساتھ رکھی میٹنگ

بھٹکل کے کارگیدے اور گُڈلک روڈ میں  کل اتوار کو عوام الناس کی طرف سے انڈر گراونڈ ڈرینج (یو جی ڈی) کے پائپ لائن بچھانے اور چمبرس تعمیر کرنے کے دوران  کام کو غیر سائنٹیفک اور غیر معیاری قرار دینے کے بعد آج پیر کو بھٹکل میونسپل چیف پرویز قاسمجی نے کاروار سے  واٹر بورڈاور یوجی ڈی ...

بھٹکل قومی شاہراہ سے متصل جگہ پر امیوزمنٹ پارک کو منظوری دینے پر میونسپل کونسلروں کو اعتراض؛ اے سی کو دیا گیا میمورنڈم

قومی شاہراہ 66سے متصل زین لاڈج کے پڑوس میں کھلونوں کی  ایگزبیشن’’امیوز منٹ پارک‘‘ کو منظوری دینے سے نہ صرف شاہراہ پر ٹرافک کا مسئلہ ہوگا بلکہ شاہراہ کے فورلین کاکام بھی جاری ہےاور کووڈ-19کے چلتے عوام کے لئے مناسب نہیں ہے۔  منظوری کو رد کرنے کی مانگ لے کر  سماجی کارکن فیاض ملا ...

کرناٹک میں کورونامعاملات میں اضافہ ہواتو کالجوں کودوبارہ بندکرناناگزیرہوجائے گا: ڈاکٹرکے سدھاکر

دنیابھرمیں کوروناوائرس کی دوسری لہرکاآغازہوگیاہے۔ دہلی اوراحمدآبادمیں بھی دوسری لہرشروع ہوگئی ہے۔ ریاست میں کوروناوائرس کے معاملات میں اضافہ ہوتاہے توپھرکالجوں کوبند کرنا ناگزیرہوجائے گا۔

بی جے پی اپنے مرکزی وزیر کے لو جہاد کا کیا کرےگی: شیوپال سنگھ یادو

ملک میں ’لو جہاد‘ کا مدا اس وقت کافی سرخیوں میں ہے اور اترپردیش میں یوگی آدتیہ ناتھ کی حکومت اس کے لئے قانون بنانے والی ہے۔ بی جے پی کو چھوڑ کر تمام سیاسی پارٹیاں اس کی مخالفت کر رہی ہیں لیکن اتر پردیش حکومت اس کو مدا بنائے ہوئے ہے۔ پرگتی شیل سماج وادی پارٹی (لوہیا) کے صدر ...