منگلورو:16؍جنوری (ایس اؤ نیوز)بچوں کی اغواءکاری معاملے کو لےکر سی سی ٹی وی کیمروں کی فوٹیج کی بنیا د پر 3 لوگوں کو گرفتار کرلیا گیا ہے، اس بات کی جانکاری پولس کمشنر این ششی کمار نے پریس کانفرنس کے ذریعے دی ہے۔
پولس نے بتایا کہ رکشھت شٹی ، راہول سنہا اور الیسٹار نامی افراد کو گرفتار کیاگیا ہے۔پولس کمشنر نے بتایا کہ یہ تینوں بچوں کو تھیلے میں بھر کر اغواء کرنےکی کوشش کئے جانے کا جانچ سےپتہ چلاہے۔ معاملے میں ملوث تینوں ملزموں کے خلاف اس سے قبل بھی معاملات درج ہوئے ہیں۔ انہوں نے بتایا کہ ڈرگس معاملےمیں بھی یہ لوگ ملوث ہیں۔ جس کاپتہ لگانےکے لئے ٹیم تشکیل دئیے جانےکی کمشنر ششی کمار نے جانکاری دی۔