احمدآباد، 17 اپریل(ایس او نیوز؍آئی این ایس) سوشل میڈیا پر ایک ویڈیو وائرل ہو رہی ہے، جس میں گجرات کے ایک بی جے پی ممبر اسمبلی ووٹروں کو مبینہ طور پر دھمکاتے نظر آ رہے ہیں۔کہہ رہے ہیں کہ وزیر اعظم نریندر مودی نے پولنگ سٹیشن پر کیمرے لگوائے ہیں، تاکہ یہ پتہ چل سکے کہ کس نے پارٹی کے امیدوار کو ووٹ نہیں دیافتح پورا سے رکن اسمبلی رمیش کٹارا کا یہ ویڈیو وائرل ہو رہا ہے۔ویڈیو وائرل ہونے کے بعد داہود کے کلیکٹر اور ضلع الیکشن افسر وی ایل کھراڑی نے منگل کو ان کو وجہ بتاو نوٹس جاری کیا ہے،انہیں ایک دن کے اندر اندر جواب دینا ہے۔بتا دیں کہ کٹارا بی جے پی کے لوک سبھا امیدوار جسونت سنہا بھابھور کی حمایت میں تشہیر کرنے داہود پہنچے تھے،جہاں سے ایک اجتماع میں لوگوں کو مبینہ طور پر دھمکاتے ہوئے ویڈیو میں قید ہوئے ہیں،یہ واقعہ تقریبا دو دن پہلے کا ہے۔کٹارا ویڈیوز میں لوگوں کو دھمکا رہے ہیں کہ اگر مرکزی وزیر بھابھور کو ووٹ نہیں دیا تو مودی گاؤں کو کام دینا روک دیں گے۔بتا دیں کہ فتح پورا اسمبلی سیٹ داہود لوک سبھا حلقہ کے تحت آتی ہے۔ویڈیو میں کٹارا کہہ رہے ہیں کہ بھابھور کی تصویر اور کمل انتخابی نشان (بی جے پی کا انتخابی نشان) والا بٹن دبائیں،اس بار مودی صاحب نے کیمرے لگائے ہیں،وہ وہاں سے بیٹھے بیٹھے دیکھ سکتے ہیں کہ کس نے بی جے پی کے حق میں اور کس نے کانگریس کے حق میں ووٹ دیا ہے۔کٹارا نے کہا کہ اگر بی جے پی کو آپ کے پولنگ سٹیشن سے کانگریس کے مقابلے کم ووٹ ملے تو آپ کو کم کام ملے گا۔مودی صاحب وہیں بیٹھے بیٹھے معلوم کر لیں گے کہ آپ نے کچھ تو درست نہیں کیا ہے۔