ایمس سربراہ کا انتباہ؛ 6 سے 8 ہفتوں میں آسکتی ہے کورونا کی تیسری لہر

Source: S.O. News Service | Published on 20th June 2021, 11:34 AM | ملکی خبریں |

نئی دہلی،20؍ جون (ایس او نیوز؍ایجنسی) ایمنس کے سربراہ نے کورونا کی تیسری لہر کے بارے میں آج ایک بڑا بیان دیا ہے۔ این ڈی ٹی وی سے گفتگو کرتے ہوئے انہوں نے کہا کہ اگلے 6 سے 8 ہفتوں میں کورونا کی تیسری لہر آسکتی ہے۔

ایمس کے چیف ڈاکٹر رندیپ گولیریا نے کہا کہ اگلے 6 سے 8 ہفتوں میں ہندوستان میں کورونا کی تیسری لہر کا امکان ہے۔ ڈاکٹر گولیریا نے کہاکہ جیسے ہی ہم نے ان لاک کرنا شروع کیا ہے، ایک بار پھر کووڈ مناسب طرز عمل کا فقدان ہے۔ ہم نے پہلی اور دوسری لہر کے درمیان ہونے والے واقعات سے سبق نہیں لیا۔ دوبارہ بھیڑ جمع ہورہی ہے، لوگ بڑے پیمانے پر جمع ہو رہے ہیں اگر یہ سلسلہ جاری رہا تو قومی سطح پر کورونا کیسوں کی تعداد میں اضافے میں بہت کم وقت لگے گا۔ اگلے 6 سے 8 ہفتوں میں یہ ہوسکتا ہے۔ ہوسکتا ہے اس سے تھوڑا زیادہ وقت لگے۔

انہوں نے کہا کہ یہ سب اس بات پر منحصر ہے کہ ہم کورونا پروٹوکول کتنا عمل پیرا ہیں۔ملک میں جاری کورونا کی دوسری لہر اب ختم ہورہی ہے۔ لیکن جب یہ عروج پر تھی تو ملک کے مختلف حصوں میں اسپتالوں کی حالت خراب تھی۔ اسپتالوں میں بیڈس کی شدید قلت تھی۔ تقریباً تمام اسپتالوں میں طبی سہولیات کی کمی تھی۔ سوشیل میڈیا پر ایس او ایس پیغامات نے دنیا کی توجہ مبذول کرالی اور بہت سے ممالک مدد کیلئے آگے آئے تھے۔کورونا کی دوسری لہر کمزور ہوتے ہی بہت ساری ریاستوں نے پابندیوں میں نرمی کردی ہے۔ تاہم تیسری لہر کے خلاف تیاریاں جاری ہیں۔

ایک نظر اس پر بھی

زوردار بارش کے دوران مدھیہ پردیش کے بھِنڈ میں ڈسٹرکٹ جیل کی دیوار منہدم، 22 قیدی زخمی، 2 کی حالت نازک

 مدھیہ پردیش کے ضلع بھِنڈ میں ہفتہ کی صبح اس وقت ایک بڑا حادثہ پیش آیا جب ضلع جیل کی ایک خستہ حال دیوار موسلادھار بارشوں کے دوران بھربھرا کر گر گئی۔ اس سے بیرک نمبر 6 میں قید 22 قیدی زخمی ہو گئے، جن میں سے 2 کی حال نازک بتائی جا رہی ہے۔

سی بی ایس ای 12 ویں کلاس کے نتائج :ختم ہوا انتظار

  آخر کار طویل انتظار کے بعد ، سنٹرل بورڈ آف سیکنڈری ایجوکیشن (سی بی ایس ای) نے 12 ویں کلاس کے نتیجہ جاری کر دیے ہیں۔ طلباء اپنے نتائج ویب سائٹ cbseresults.nic.in ، cbse.gov.in پر دیکھ سکتے ہیں۔ اس سال 99.37فیصد طلبہ کامیاب ہوئے ہیں۔

گئوشالہ میں 50 سے زائد گایوں کی موت پر ہنگامہ، تحقیقات شروع

گئوشالاؤں میں موجود گایوں کی دیکھ بھال کے نام پر سرکاری امداد حاصل کرنے اور اس کو ہضم کر جانے کے کئی معاملے سامنے آ چکے ہیں۔ تازہ معاملہ راجستھان کے ضلع جیسلمیر کا ہے جہاں رام گڑھ واقع کوہریوں کا گاؤں علاقہ میں چل رہی 200 گایوں پر مشتمل گئوشالہ میں تقریباً 50 سے زائد گایوں کے ...

ذات پر مبنی مردم شماری کے حق میں ہیں نتیش کمار، پی ایم مودی کو جلد لکھیں گے خط

بہار کے وزیراعلیٰ نتیش کمار نے اپوزیشن لیڈر تیجسوی یادو کو ایک ملاقات کے دوران یقین دلایا کہ وہ ذات پر مبنی مردم شماری کے لیے وزیر اعظم نریندر مودی کو خط لکھیں گے اور ساتھ ہی قانونی طریقے پر بھی غور کریں گے۔

ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

  ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔