شمالی کینرا میں عوامی طبی سروے کا تیسرادورہوا مکمل۔دستیاب ہوئےاہم اعداد وشمار
کاروار،15؍ستمبر (ایس او نیوز) ضلع شمالی کینرا کے ڈپٹی کمشنر ڈاکٹر ہریش کمار نے صحت عامہ کے سروے کا تیسرا دور ہونے پر دستیاب اہم تفصیلات کے اعداد وشمار جاری کرتے ہوئے کہا ہے کہ آشا کارکنان نے ضلع میں صحت عامہ سے متعلق جو تفصیلات اکٹھا کی ہیں اس سے کووِڈ کو چھوڑ کر بہت ساری دوسری بیماریوں او رمسائل کا پتہ چلا ہے۔ اس سے آئندہ طبی سہولتیں فراہم کرنے اور علاج و معالجہ کے انتظامات کو ضلع بھر میں مزید بہتر بنانے میں مدد ملے گی اور نئے انداز سے منصوبہ بندی کی جاسکے گی۔
4ستمبر سے 11ستمبر تک چلنے والے تیسرے دور کے لئے آشا کارکان نے ضلع کے جملہ 336476کے دروازے پر پہنچ کر 1487927 افراد کاطبی سروے کرتے ہوئےتفصیلات جمع کی ہیں۔ ان میں 60 سال سے زیادہ عمر کے 137717کے افراد ہیں۔تعلقہ وار سطح پر ان کی تعداد اس طرح ہے: کاروار 12891، ہلیال 14503،انکولہ 10300، کمٹہ 22417، ہوناور 16184، بھٹکل 9511 ، سداپور 11032،سرسی 21187 ، یلاپور 6458، منڈگوڈ 6365، جوئیڈا 6869 عمررسیدہ افراد موجود ہیں۔اس کے ساتھ ہی یہ تفصیلا ت بھی معلوم ہوئی ہیں کہ ان عمر رسیدہ افراد میں کتنے لوگ کس کس قسم کے امراض کا شکار ہیں اورکتنے لوگ پوری طرح صحت مند ہیں۔
ذیابیطس یا شوگر کے مریضوں کی تعداد : سروے سے دستیاب تفصیل کے مطابق کاروار میں 3188، انکولہ میں 2660، کمٹہ میں 5178، ہوناور میں 3288، بھٹکل میں 1108، سرسی میں 4001، سداپور میں 2151، یلاپور میں 862، منڈگوڈ میں 1119، ہلیال میں 2163 اور جوئیڈا میں 537مریضوں کے ساتھ ضلع بھر میں 26255افراد شوگر کے مریض ہیں ۔
بلڈ پریشر کے مریضوں کی تعداد : کاروار 6357، انکولہ 5847، کمٹہ 8921، ہوناور 5268، بھٹکل 2905، سرسی 7891،سداپور 4118، یلاپور 1991، منڈگوڈ 1860، ہلیال 3609، جوئیڈا 1418۔ اس طرح ضلع میں کُل 50185مریض ہیں۔
امراض قلب میں مبتلا افراد کی تعداد: دل کی مختلف بیماریوں کا شکار ہونےوالوں کی تعداد سروے کے مطابق کاروار 408، انکولہ 385، کمٹہ 717، ہوناور 461، بھٹکل 148، سرسی 503، سداپور 226، یلاپور 138، منڈگوڈ 110، ہلیال 309، جوئیڈا 67ہے اور ضلع بھر میں کل مریضوں کی تعداد 3544 ہے۔
ڈیالیسس کروانے والے مریضوں کی تعداد : ضلع میں گردے ناکام ہونے کی وجہ سےڈیالیسس کروانے والوں کی تعداد 295ہے جس میں کاروار 33، انکولہ 40، کمٹہ 64، ہوناور 29 ، بھٹکل 11, سرسی 48، سداپور 13، یلاپور 9، منڈگوڈ 21ہلیال 21، جوئیڈا 4مریض شامل ہیں۔اس کے علاوہ دیگرمختلف امراض میں مبتلا افراد کی تعدا د 6026ہے۔