جلد ہی کورونا متاثرین کی تعداد 10 لاکھ اور اموات 50 ہزار سے زیادہ ہوگی: ڈبلیو ایچ او

Source: S.O. News Service | Published on 3rd April 2020, 12:48 AM | عالمی خبریں |

جنیوا،3؍اپریل (ایس او نیوز؍ایجنسی) پوری دنیا میں کورونا وائرس کے بڑھتے اثرات کے درمیان عالمی صحت ادارہ (ڈبلیو ایچ او) کے سربراہ کا کہنا ہے کہ آنے والے کچھ ہی دنوں میں دنیا کووڈ-19 انفیکشن کی وجہ سے 10 لاکھ سے زیادہ کیسز دیکھے گی۔ ساتھ ہی ڈبلیو ایچ او کا کہنا ہے کہ اس وبا کی وجہ سے چند دنوں کے بعد اموات کی تعداد 50 ہزار سے زیادہ پہنچ جائے گی۔

خبر رساں ادارہ سنہوا نے ڈبلیو ایچ او کے سربراہ ٹریڈوس گیبریوسس کی بدھ کے روز ڈیلی بریفنگ کے حوالے سے کہا کہ "کووڈ-19 وبا اپنی شروعات کے بعد سے اب چوتھے مہینے میں داخل کرے گی، ایسے میں انفیکشن کے تیزی سے بڑھتے معاملوں اور اس کے عالمی پھیلاؤ کے بارے میں گہرائی سے فکرمند ہوں۔" دنیا بھر میں گزشتہ پانچ ہفتوں میں کووڈ-19 انفیکشن کے بڑھتے معاملوں کے مدنظر ٹریڈوس نے کہا کہ گزشتہ ایک ہفتہ میں مہلوکین کی تعداد دوگنی سے زیادہ ہوئی ہے جو فکرانگیز ہے۔

ڈبلیو ایچ او کے اعداد و شمار کے مطابق وبا کی وجہ سے بدھ تک دنیا بھر کے 200 ممالک اور علاقوں میں کل 40777 لوگوں کی جان گئی جب کہ انفیکشن والے مریضوں کی کل تعداد 827419 پہنچ گئی۔ چین کے باہر تنہا بدھ کی دوپہر تک انفیکشن والے مریضوں کی تعداد بڑھ کر 744781 ہو گئی جب کہ وبا کی وجہ سے 37456 مریضوں کی موت ہوئی۔ ڈبلیو ایچ او کے مطابق 163199 معاملوں کے ساتھ امریکہ میں 2850 اموات ہوئیں جب کہ اٹلی میں 105792 انفیکشن کے معاملوں کے ساتھ کل 12430 لوگوں کی جان گئی۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔