بھٹکل 29/جون (ایس او نیوز)وبائی مرض ڈینگی بخار کے دو تازہ معاملات سامنے آنے کے ساتھ بھٹکل تعلقہ میں امسال جنوری سے اب تک ڈینگی بخار سے متاثر ہونے والوں کو تعداد 10تک پہنچ گئی ہے۔

 تازہ معاملہ میں ایک شخص منڈلی کارہنے والا ہے جسے ڈینگی بخار کے علاج کے لئے منی پال اسپتال میں داخل کیاگیا ہے۔ جبکہ دوسرا معاملہ موڈشیرالی کا ہے جہاں پر بنگلورو سے واپس آنے والے ایک شخص کے اندر ڈینگی کا مرض پایا گیا ہے۔تعلقہ ہیلتھ آفیسر ڈاکٹر مورتی راج بھٹ اور ہیلتھ ایجوکیشن آفیسر ایریّا دیواڈیگانے اپنے عملے کے ساتھ متاثرہ افراد گھر جاکر تفصیلات معلوم کیں۔ہیلتھ آفیسرکا کہنا ہے کہ بھٹکل میں جتنے لوگ ڈینگی سے متاثر ہوئے ہیں ان میں سے بیشتر افراد بھٹکل سے باہر دوسرے شہروں میں رہنے والے ہیں۔علاج کے بعد یہ سب لوگ صحت یاب بھی ہوگئے ہیں۔انہوں نے مزید بتایا کہ برسات کے موسم میں اپنے اطراف کے ماحول کو صاف ستھرا رکھنے پر عوام کو زیادہ توجہ دینی چاہیے۔ اس کے علاوہ تیز بخار ہونے کی صور ت میں کسی بھی قسم کی بے پروائی نہ برتیں اور فوری طور پرقریبی اسپتال سے رجوع کرکے ضروری جانچ کروالیں۔