نئی دہلی13جون (ایس او نیوز/ آئی این ایس انڈیا)  مرکز میں حکمران بھارتیہ جنتا پارٹی اپنی رکنیت مہم شروع کرنے والی ہے اور پارٹی اپنے تنظیمی انتخابات کے لئے کاروائی شروع کرے گی۔ اسی کے ساتھ ہی بی جے پی صدر امت شاہ نے کہا ہے کہ لوک سبھا انتخابات میں بھلے ہی بی جے پی نے 303 سیٹیں جیت لی ہوں لیکن ابھی’بلندی‘پر پہنچنا باقی ہے/ بی جے پی کے قومی عہدیداروں کے اجلاس میں امت شاہ نے یہ بات کہی۔ تنظیمی انتخابات کی کاروائی مکمل ہونے تک شاہ کے پارٹی صدر بنے رہنے کا امکان ہے۔ پارٹی جنرل سکریٹری بھوپندر یادو نے جمعرات کو بتایا کہ بی جے پی کے قومی عہدیداروں کے اجلاس میں تنظیمی انتخابی عمل کو شروع کرنے کا فیصلہ کیا گیا۔ شاہ کی صدارت والی میٹنگ میں پارٹی کی ریاستی یونٹ کے جنرل سکریٹریوں اور ذمہ داروں نے حصہ لیا۔ پریس کانفرنس سے خطاب کرتے ہوئے بی جے پی کے سیکرٹری جنرل بھوپندر یادو نے اجلاس میں شاہ کی گئی تقریر کے اقتباس شیئر کئے۔ یادو نے کہا کہ پارٹی صدر نے تنظیم کے عہدیداروں سے کہا کہ 2019 میں 303 سیٹیں جیتنے کے بعد بھی پارٹی اپنے انتخابی کارکردگی کے لحاظ سے بلندی تک نہیں پہنچ پائی ہے۔ یادو نے امت شاہ کو حوالے کرتے ہوئے کہا کہ نئے علاقوں اور سماج مختلف گروپوں کے درمیان پارٹی کی مزید توسیع کی ضرورت ہے۔