’جملے بازی‘ ہی لے ڈوبے گی مودی حکومت کو: گہلوت

Source: S.O. News Service | By Jafar Sadique Nooruddin | Published on 17th April 2019, 7:52 PM | ملکی خبریں |

جے پور:17 /اپریل(ایس اونیوز /آئی این ایس انڈیا) راجستھان کے وزیراعلیٰ اشوک گہلوت نے مرکز کی نریندر مودی حکومت کو ’جملے والی حکومت‘ بتاتے ہوئے بدھ کو کہا کہ لوک سبھا انتخابات میں اس کی الوداعی طے ہے۔گہلوت نے یہاں اپنی رہائش گاہ پر نامہ نگاروں سے بات چیت میں کہا کہ لوگ آہستہ آہستہ سمجھ گئے ہیں اور جملے ہی مودی حکومت کو لے ڈوبیں گے۔انہوں نے آئینی اداروں کو کمزور کیا۔اور جملے بازی کی۔سب لوگ آہستہ آہستہ سمجھ رہے ہیں کہ یہ جملے والی حکومت ہے۔انہوں نے کہاکہ مودی جی نے کوئی گڈ گورننس نہیں دیا صرف جملے بازی کی اور اب ان کی الوداعی طے ہے۔جودھپور سیٹ سے بی جے پی کے امیدوار اور مرکزی وزیر گجیندر سنگھ شیخاوت کے ’سرکاری حکام کو الٹا لٹکانے‘سے متعلق مبینہ بیان کی تنقید کرتے ہوئے گہلوت نے کہا کہ انہیں شیخاوت سے ایسی امید نہیں تھی۔گہلوت نے کہاکہ ابھی تو عوام ان کو الٹا لٹکانے جارہی ہے جن کی مرکز میں حکومت ہے ۔وزیراعلیٰ نے کہا کہ راجستھان میں لوک سبھا انتخابات میں دوبارہ اترے مودی حکومت کے چاروں وزیر بحران میں ہیں اور انہیں ہارسامنے نظرآرہی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...