مسجد حرام میں موسلادھار بارش کے دوران سب معمول کے مطابق

Source: S.O. News Service | Published on 29th April 2021, 12:57 PM | خلیجی خبریں |

ریاض، 29؍اپریل (ایس او نیوز؍ایجنسی)  الحرم المکی نے بروز منگل نمازیوں اور معتمرین کا استقبال موسلا دھار بارش سے کیا۔ اس موقع پر فرزندان توحید نے ہاتھ آسمان کی طرف اٹھا کر اللہ سے گڑ گڑا کر دعائیں کیں۔ اطمینان اور سکون سے لبریز فضا میں نمازیوں نے رمضان المبارک کے وسط میں اللہ سے خوب دلجمعی کے ساتھ گڑ گڑا کر دعائیں مانگیں۔ بارش تھمنے کے بعد صفائی کے چار ہزار اہلکاروں نے دو سو نگران اور کنڑولرز کی قیادت میں حرم مکی میں مطاف کا صحن، نماز کی جگہ سمیت تمام داخلی اور خارجی راستوں سے پندرہ منٹ کے ریکارڈ عرصے میں بارش کا پانی صاف کر دیا۔

صدارت عامہ برائے امور حرمین شریفین نے المسجد الحرام میں برسنے والی غیر معمولی بارش کے منفی اثرات سے مسجد حرام کا قصد کرنے والوں کو محفوظ رکھنے کے لیے خصوصی انتظامات کر رکھے تھے تاکہ وہ سہولت کے ساتھ مناسک ادا کر سکیں۔ اس مقصد کے لیے حرم کے اندر اور باہر پانی چوسنے اور صفائی میں استعمال ہونے والے آلات بڑے پیمانے پر صفائی عملے میں تقسیم کیے گئے تھے تاکہ حرم مکی سے بارش کا پانی جلد از جلد خشک کیا جا سکے۔ اس مقصد کے لئے حرم کے باہر اور داخلی علاقے میں 480 مشینیں اور آلات تقسیم کیے گئے تھے۔

ٹیکنیکل اور سروسز ایجنسی نے ایسے حالات کے لیے اپنے ہنگامی منصوبے تیار کرتے ہوئے اپنی سرگرمیوں میں اضافہ کیا تھا۔ تیز بارش سے پیدا ہونے والی صورت حال سے نپٹنے کے لیے پیشگی حفاظتی پلان تیار تھا جس کے مطابق صفائی عملے کو مناسب تعداد میں مددگار آپریٹس حرم کے تمام حصوں میں فراہم کیا گیا تھا تاکہ زائرین الحرمین الشریفین کو عبادت اور مناسک کی ادائی میں کسی قسم کی مشکلات پیش نہ آئیں۔

بارش سے بچاؤ کے لیے حفاظتی کور اور پیدل چلنے والے راستوں بشمول برقی زینوں پر پلاسٹک فٹ میٹس فراہم کیے گئے تھے۔ نیز پانی کے بہاؤ میں ممکنہ رکاوٹ کا سدباب کرنے کی غرض سے مین ہولز اور گٹروں کی ہنگامی بنیادوں پر صفائی کی جاتی رہی ہے۔

ایک نظر اس پر بھی

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

بھٹکل کمیونٹی جدہ کا سالانہ اجلاس؛ پروگرام میں "مرحوم زاہد رکن الدین ، ایک فرد ایک انجمن " کتاب کا بھی اجراء

بھٹکل مسلم کمیونٹی جدہ کا سالانہ اجلاس جمعرات مورخہ  26 اگست کو  جدہ کے گرین لینڈ  ہوٹل میں منعقد ہوا جس میں  جدہ جماعت سمیت بھٹکل مسلم خلیج کونسل کے سابق صدر مرحوم  سی اے زاہد رکن الدین صاحب کے  تعلق سے موصولہ تعزیتی قرار دادوں  اور تعزیتی خطوط پر مشتمل ایک کتاب "مرحوم زاہد ...