بھٹکل: 10؍جون (ایس اؤ نیوز)کورونا وائرس کو پھیلنے سے روکنے کے لئے اپنی جان کا خطرہ مول کر گھر گھر پہنچ کر بیداری پیدا کرنے والی آشا کارکنوں کی خدمات قابل ستائش ہیں، ان خیالات کا اظہار  رکن اسمبلی اور پی ایل ڈی بینک کے صدر سنیل نے  کیا۔

وہ یہاں پی ایل ڈی بینک کے مین آفس میں بینک کی جانب سے بیلکے گرام پنچایت حدود والے  صحت مرکز کے 26آشا کارکنوں میں فی کس تین ہزارروپیوں کے چک تقسیم کرنے کے بعد خطاب کررہے تھے۔ انہوں نے کہاکہ بھٹکل میں کورونا وائرس کو روکنے اور اس کو تقریباً ختم کرنے میں آشا کارکنوں نے کافی محنت کی ہے، یہ سب لوگ کورونا وارئیرس کی طرح کام کئے ہیں۔ ہم ان سب کا بھٹکل کے عوام کی طرف سے شکریہ اداکرتے ہوئے امید کرتے ہیں  کہ  آگے بھی اسی طرح مشکلات میں ان کا تعاون حاصل رہے گا۔ اس موقع پر بینک کے جنرل مینجر وی ایم نائک، برانچ مینجر دنیش نائک، بینک کی نائب صدر گایتری نائک ، ڈائرکٹر سریش نائک،موہن نائک، منجوناتھ نائک نونیت نائک ،ایشور نائک اور بینک کا عملہ موجود تھا۔