منگلورو، 23؍جنوری (ایس او نیوز) سابق وزیر اور رکن اسمبلی یوٹی قادر نے کہا کہ نیا زرعی قانون جو مرکزی حکومت نافذ کرنے کی کوشش کر رہی ہے ملک دشمن اور عوام دشمن ہے اور انجام کار ہندوستان کے عوام کے لیے خطرہ بن جائے گا۔
منگلورو کے کانگر یس بھون میں پریس کانفرنس میں انہوں نے کہا کہ ماقبل آزادی جدو جہد کے دوران جنگ آزادی کو کچلنے کے لیے جس طرح انگریزوں نے مجاہدین آزادی پر پانی کی بوچھاریں اور لاٹھیاں برسائی تھیں مرکز کی بی جے پی حکومت بھی کسانوں کے احتجاج کو اسی طرح کچلنے کی کوشش کر رہی ہے۔
انہوں نے کہا حقیقی حب الوطن شہریوں کو اس قانون کی مخالفت کرنی چاہیے جو کسانوں کے لیے قل ترین امدادی قیمت کو متاثر کرے گا اور عوامی نظام تقسیم میں اجناس کی قلت پر بھی منتج ہوگا ۔ انہوں نے سمجھایا کہ کس طرح قانون کے اثرات سے اجناس کی قیمتوں میں اضافہ ہو گا۔ سوامی ویکانند کے قول کی نقل کرتے ہوئے قادر نے کہا کہ عوام کو نظرانداز کرنا حکومت کے زوال کا سبب بنے گا۔
انہوں نے کہا کہ چوں کہ کا نگر یس عوام کی آواز ہے، ہم اس کاز کی حمایت کر رہے ہیں اور تعاقہ پراحتجاج کریں گے۔ دیگر مسائل پر بات کرتے ہوئے انہوں نے کہا کہ پانچ تا چھ ماہ کی مدت میں اسا تد ہ 90 فیصد نصاب کیسے عمل کر سکتے ہیں ۔ طلباء اور اساتذہ الجھن کا شکار ہیں۔ اس سے دسویں جماعت کے طلباء بھی متاثر ہوں گے۔