اوباما، ہیلری اور سی این این کو بھیجا گیا دھماکہ خیز مواد پکڑا گیا

Source: S.O. News Service | By S O News | Published on 26th October 2018, 1:01 AM | عالمی خبریں |

واشنگٹن25اکتوبر ( آئی این ایس انڈیا/ایس او نیوز) امریکہ کی خفیہ سروس، سی آئی اے کا کہنا ہے کہ اْس نے دھماکہ خیز مواد کے دو پیکٹ پکڑے ہیں جو سابق صدر براک اوباما اور سابق وزیر خارجہ ہیلری کلنٹن کو بھجوائے گئے تھے۔

سی آئی اے نے ایک بیان میں کہا ہے کہ ہیلری کلنٹن کو بھیجا جانے والا پیکٹ منگل کی شام نیویارک میں پکڑا گیا، جبکہ سابق صدر اوباما کو روانہ کیا جانے والا مواد منزل پر پہنچنے سے پہلے ہی واشنگٹن ڈی سی سے پکڑ لیا گیا۔

سی آئی اے نے دھماکہ خیز مواد پکڑے جانے کے مقامات کو تحقیقات کے لیے سیل کر دیا ہے۔ان دونوں شخصیات کے علاوہ ایسا ہی مواد ارب پتی تاجر جارج سورس اور نیویارک کے ٹائمز اسکوائر میں واقع سی این این کے دفتر کو بھجوایا گیا ہے۔ سی این این کے دفتر کے میل روم میں اس مواد کی موجودگی کی اطلاع پر فوراً دفتر کو خالی کروا لیا گیا۔سی این این کو بھیجا گیا مواد ایک لفافے میں بند تھا جس پر جان برینن کا نام درج تھا۔ جان برینن سابق صدر اوباما کے دور میں سی آئی اے کے ڈائریکٹر تھے اور وہ صدر ٹرمپ کے سخت ناقدین میں شمار کیے جاتے ہیں۔ صدر ٹرمپ نے جوابی اقدام کے طور پر جان برینن کی سیکیورٹی کلیئرنس منسوخ کر دی تھی۔نیو یارک کے میئر بل ڈی بلاسیو نے ایک ہنگامی نیوز کانفرنس کے دوران اسے دہشت گردانہ واقعہ قرار دیا ہے۔

تاہم، نیویارک پولیس کا کہنا ہے کہ حالات پوری طرح قابو میں ہیں۔اخبار نیو یارک ٹائمز کی اطلاع کے مطابق سابق صدر بل کلنٹن اور اْن کی اہلیہ ہیلری کلنٹن کے گھر کے قریب پائے جانے والے دھماکہ خیز مواد والا پیکٹ بالکل ویسا ہی تھا جو گزشتہ پیر کو امریکہ کے ایک ارب پتی جارج سورس کے گھر کے باہر میل بکس میں پایا گیا تھا۔سی آئی اے کا کہنا ہے کہ یہ پیکٹ جن شخصیات کے نام بھیجے گئے تھے یہ اْن تک نہیں پہنچ پائے اور یوں ان شخصیات کو کوئی نقصان نہیں پہنچا۔

وائٹ ہاؤس کی ترجمان سارا سینڈرز نے ایک بیان میں سابق صدر اوباما، سابق وزیر خارجہ ہیلری کلنٹن اور دیگر شخصیات کو دھماکہ خیز مواد بھیجے جانے کے اقدام کی سخت مذمت کی ہے اور کہا ہے کہ یہ حرکت کرنے والوں کے خلاف سخت کارروائی کی جائے گی۔تاہم، سیاسی مبصرین کا کہنا ہے کہ امریکہ میں 6 نومبر کو ہونے والے مجوزہ وسط مدتی انتخابات کے تناظر میں ریپبلکن پارٹی کے راہنماؤں نے ہیلری کلنٹن، براک اوباما، جارج سورس اور سی این این پر سخت تنقید کی تھی جن میں خود صدر ٹرمپ بھی پیش پیش تھے۔سیاسی تجزیہ کاروں کا کہنا ہے کہ ڈیموکریٹک پارٹی کے متعدد راہنماؤں کو بھیجے گئے دھماکہ خیز مواد کے ان واقعات سے ریپبلکن پارٹی اور ڈیموکریٹک پارٹی کے درمیان کشیدگی میں اضافہ ہونے کا امکان ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...