ہمارے لئے سب سے بڑا موقع لیکن آسٹریلیا کو ہلکے میں نہیں لیں گے: ایشانت

Source: S.O. News Service | By S O News | Published on 27th November 2018, 8:15 PM | اسپورٹس |

سڈنی ،27؍ نومبر (آئی این ایس انڈیا؍ایس او نیوز) آسٹریلیا میں پہلی ٹیسٹ سیریز جیتنے کے سنہری موقع سے فائدہ اٹھانے کی تیاری میں مصروف ہندوستانی کرکٹ ٹیم کے فاسٹ بولر ایشانت شرما نے کہا کہ کہ آسٹریلیا خراب دور گزرنے کے باوجود سخت چیلنج پیش کرنے کے قابل ہے۔بارڈر گواسکر ٹرافی چھ دسمبر کو ایڈیلیڈ میں پہلے ٹیسٹ کے ساتھ شروع ہوگی۔ ہندوستانی ٹیم بدھ سے سڈنی کرکٹ میدان پر کرکٹ آسٹریلیا الیون کے خلاف چار روزہ پریکٹس میچ کھیلے گی۔ایشانت نے کہا کہ ہم ان چیزوں کے بارے میں نہیں سوچتے۔سب کچھ میچ کے دن پرمنحصر ہے۔کرکٹ میں جو بھی ملک کے لیے کھیل رہا ہے، وہ اچھا ہی کھیلتاہے۔نتیجہ آنے تک ہم کسی کو ہلکے میں نہیں لے سکتے۔ہمارا مقصد سیریز جیتنا ہے اور ہم سب اس پر توجہ دے رہے ہیں۔ہم ذاتی کارکردگی کے بارے میں نہیں سوچ رہے ہیں۔ہمارا مقصد آسٹریلیا میں سیریز جیتنا ہے، بس ایک ہی مقصد ہے۔آخری بار ہندوساتن کو یہاں41500سے شکست جھیلنی پڑی تھی۔موجودہ کپتان وراٹ کوہلی نے حالانکہ اچھے کھیل کا مظاہرہ کیا تھا۔ ایشانت نے کہا کہ پریکٹس میچ اہم ہے کیونکہ اس سے تال بنے گی۔آپ کوحالات کے بارے میں پتہ چلے گا۔ ہندوستانی تیز گیندبازوں پر کافی ذمہ داری ہوگی جس نے جنوبی افریقہ اور انگلینڈ کے خلاف اچھی کارکردگی کی ہے۔

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...