ہندوستانی باکسنگ کو نئی بلندی دلا رہے ہیں کوچ رانا

Source: S.O. News Service | By Shahid Mukhtesar | Published on 21st May 2018, 1:09 PM | اسپورٹس |

نئی دہلی ،20؍مئی ( ایس او نیوز؍آئی این ایس انڈیا ) دولت مشترکہ کھیلوں میں ہندوستانی فوج کے باکسر نے شاندار کامیابی حاصل کی جس کا سہرا بہت حد تک صوبیدار میجر نریندر رانا کو جاتا ہے۔ایشیائی چمپئن شپ کے پہلے کانسے کا تمغہ فاتح اور چار بار کے قومی چمپئن 46 سال رانا بھارتی باکسنگ کے ان چہروں میں ہے جو کامیاب تو ہیں لیکن ان کا نام پردے کے پیچھے ہی رہا ہے۔باکسر حالانکہ ان کی شراکت کا لوہا مانتے ہے۔ رانا نے کہاکہ ہمارے کمانڈنگ افسر نے ان کھیلوں سے پہلے مجھ سے پوچھا تھا کہ مجھے کیا لگتا ہے فوج کے باکسر کتنے میڈل جیتیں گے ؟ میرا جواب تھا کہ نتیجے 100 فیصد ہوں گے، جس پر انہوں نے (کمانڈنگ افسر)کہا کہ اگر ایسا ہوا تو وہ میرا نام دروناچاریہ ایوارڈ کے لئے بھیجیں گے۔رانا کی پیشن گوئی درست ہوئی اور اس کھیل میں بھارت کے آٹھ تمغوں میں سے فوج کے کھلاڑیوں نے پانچ تمغے جیتے۔گورو سولنکی (52 کلوگرام)نے طلائی تمغہ جیتا جبکہ امت فگفل(49 کلوگرام)اور منیش کوشک (60کلوگرام)نے سلور اور محمدحسین الدین(56 کلوگرام) اور ستیش کمار(91کلوگرام سے زیادہ) نے کانسی کا تمغہ حاصل کئے۔

ایک نظر اس پر بھی