رائل سیما لفٹ اریگیشن پروجیکٹ: آندھرا کے خلاف تلنگانہ حکومت پہنچی سپریم کورٹ

Source: S.O. News Service | Published on 5th August 2020, 9:38 PM | ملکی خبریں |

حیدرآباد،5؍اگست(ایس او نیوز؍ایجنسی)تلنگانہ حکومت اے پی حکومت کے رائل سیما لفٹ اریگیشن پروجیکٹ کے خلاف سپریم کورٹ سے رجوع ہوئی۔ حکومت نے عدالت عظمی سے خواہش کی کہ وہ اس پروجیکٹ کے احکام منسوخ کرے اور ٹنڈر کے عمل کو بھی روکا جائے۔

اے پی حکومت اس پروجیکٹ کے ذریعہ سری سیلم ریزروائر سے دریائے کرشنا کے پانی سے استفادہ کرنا چاہتی ہے۔ وہ اس پروجیکٹ کو جلد شروع کرنا چاہتی ہے۔ اے پی حکومت جس نے قبل ازیں اس سلسلہ میں احکام جاری کیے نے ٹنڈر کے عمل کو شروع کردیا۔ تلنگانہ حکومت نے اس مسئلہ پر کرشناریور مینجمنٹ بورڈ سے شکایت کی اور کہا کہ اے پی کی جانب سے اس پروجیکٹ کی شروعات سے تلنگانہ سے شدید ناانصافی ہوگی اور اس کا رنگاریڈی پروجیکٹ متاثر ہوگا۔

تلنگانہ حکومت کی عرضی کی سماعت کرتے ہوئے بورڈ نے اے پی حکومت کو ہدایت دی تھی کہ وہ بغیر کسی قبل ازیں اجازت کے کوئی نیا پروجیکٹ شروع نہ کرے۔ مرکزی وزارت آبی وسائل نے بدھ کو ایپکس کونسل کے اجلاس کی تجویز رکھی تھی تاہم وزیراعلی کے چندرشیکھرراو نے واضح کردیا کہ وہ اس اجلاس میں پہلے سے طئے شدہ مختلف پروگراموں کی وجہ سے شریک نہیں ہوسکیں گے۔

واضح رہے کہ وزیراعلی کے چندرشیکھرراو نے اے پی حکومت نے ایک جائزہ اجلاس کے دوران اس مسئلہ پر عدالت عظمی سے رجوع ہونے کا فیصلہ کیا تھا۔ ریاست کی اصل اپوزیشن کانگریس نے گزشتہ روز ریاستی حکومت پر اس مسئلہ پر نکتہ چینی کی تھی۔ ریاستی پارٹی سربراہ کیپٹن اتم کمارریڈی نے وزیراعلی کو ایک کھلا مکتوب روانہ کرتے ہوئے ان سے خواہش کی تھی کہ وہ پڑوسی ریاست کو اس پروجیکٹ کی شروعات سے روکے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...